amalinks wokungena

Mugabe: Siyazama Ukulungisela Uzulu Inhlelo Ezitshiyeneyo


UMongameli Robert Mugabe ubingelela abaqondisi bezomvikela, amapholisa lebutho leZimbabwe.

Embikweni wakhe awethulele isizwe owe State of the Nation Address, uMongameli Robert Mugabe, uphathe indaba ezithize okugoqela uhlelo lukahulumende lokuthuthukisa ezamabhizimusi, olweZIMASSET wafisela uzulu iKhisimusi lomnyaka omutsha omuhle ongela ngozi.

UMugabe wazise amalunga edale lephalamende ele National Assembly leleSenate ukuthi uhulumende uthatha amanyathelo aqinileyo okuthuthukisa umsebenzi wezenotho ngenjongo yokuthi ilizwe lenelise ukulungisa impahla enengi eyokuthengisela kwamanye amazwe hatshi ukuthi lona lihlale lithenga kokuphela.

Uphinde wathi kuqakathekile ukuthi kuthuthukiswe imisebenzi yokulima kanye leyokwemba amatshe aligugu.

Isakhamuzi sakoBulawayo, uMnunzana Only Siziba, uthe ngempela umzwile ukuthi uMugabe utheni kodwa njengoba engumuntu omdala ulamahloni lokuthi athi iZIMASSET ayiphumeleli ngoba imisebenzi abayithenjiswayo ayikho njalo amankampani avalile lokhetho oluzayo soluseduze.

Uthe izulu lingaphandle kwamandla akhe kodwa abahlelanga kahle kwezokulima ngoba umhlabathi ukhona kodwa akulinywa.

UMongameli Mugabe ufisele abantu ikhisimusi elihle elingela ngozi kodwa uSiziba uthi zindlala zodwa akula mali emabhanga.

XS
SM
MD
LG