amalinks wokungena

Welshman Ncube: Isivuselelwa iZiscoSteel

  • Gibbs Dube

Zimbabwe Economy Hurt by Uncertainty About Indigenization Law

Zimbabwe Economy Hurt by Uncertainty About Indigenization Law

Umphathintambo wezemafekithali uMnu. Welshman Ncube uthi uhulumende uselungiselela ukuvuselela ukwembiwa kwensimbi eZiscoSteel eyathengwa yinkampani yemandiya iEssar Africa Holdings ngomnyaka ka 2011.

UNcube uthi lokhu kulandela isinqumo esithethwe lidale le cabinet ngoMfumfu nyakenye sokuthi sokumele iEssar inikwe okwenjiwayo eKwekwe kanye le Buchwa Mine.

Uthi ikhomithi ebona ngokuvuselela inkampani le, esibizwa ngokuthi yi New Zimbabwe Steel Limited, ileziphathamandla ze Essar Africa holdings labakugatsha lwakhe kanye lolubona ngokwenjiwayo eZimbabwe. Uthi ukuvuselela inkampani le kukhangelelwe ukwenziwa kunsukwana ezilandelayo.


Umnu. Partson Mubaiwa umgcinisihlalo weWorkers’ Council ye New Zimbabwe Steel uthi iziphathamandla zikahulumende we Zimbabwe kanye labaqondisi be Essar Africa Holdings kabakhulumi lutho ngaloludaba.


Uthi izisebenzi phose ezifika kunkulungwane ezintathu – 2,700 zibuyele emsebenzini ngoMvulo zicabangela ukuthi sezizaqalisa ukwemba insimbi eRedcliff.

Bekulokudonselana okumangalisayo kuhulumende womanyano ngokuvuselela iZiscoSteel kulabanye abathi uNcube wanika iEssar Holdings amandla amanengi okwemba insimbi.

UNcube uyakulandula lokhu. Umphathintambo wezemigodi Umnu. Obert Mpofu walile ukukhuluma ngaloludaba.
XS
SM
MD
LG