amalinks wokungena

UTrump Uzabusa Loba uClinton Ethola Amavoti Amanengi Kukhetho

  • Chris Gande

UMnu. Donald Trump loNkosikazi wakhe uMellania Trump

UMnu. Donald Trump loNkosikazi wakhe uMellania Trump

Okhethwe ukuba ngumongameli wele Melika kukhetho olwenzwe izolo, uMnu. Donald Trump wethule amazwi akhe wokwamukela ukungqoba kwakhe ethembisa ukusebenza lezizalwane zalelolizwe zonke kungakhathalekile ukuba ngezeliphi ibandla.

UMnu. Trump nguye osezakuba ngumongameli lanxa ethole amavoti amalutshwana kuloNkosikazi Clinton.

Kodwa ngenxa yesisekelo sombuso welizwe leMelika uTrump uthole izigaba, kumbe ama electoral college vote, angamakhulu angamatshumi ayithoba munwe munye, 289 kodwa uClinton wathola ama college votes angamakhulu amabili aletshumi lathoba minwe mibili, 218.

Lokhu ngokwakuqala ukuthi kube lomangameli ongayisuye wezombusazwe ngoba uMnu. Trump engusomabhizimusi.

Emazwini akhe okwamukela ukungqoba uMnu. Trump uthe labo kade bengamsekeli uyabemukela labo ukuthi basebenzelane laye ukuthuthukisa ilizwe leMelika.

UNkosikazi Hillary Clinton laye wamukele ukungqoba kuka Trump wathi uyamtshayela ihlombe, wabonga abasekeli bakhe ngokumphathisa kukhetho. Kodwa uthe kayisikho kade ekukhangelele.

XS
SM
MD
LG