UDr Patson Dzamara, umnewabo wentathelizindaba engumlweli welungelo loluntu uItai Dzamara oselomnyaka wanyamalala utshengisele ngoMvulo enkhundleni yeNational Sports Stadium eHarare lapho ilizwe linanza uuzibuse.
Ukunanza leli langa uPatson uthe ukubone kungcono ukutshengisela ekhumbuza uhulumende ukuthi ilizwe lingabe libikwa likhululekile kodwa uzulu kayiboni leyo nkululeko.
Kunje umnewabo lokhe engaziwa ukuthi ungaphi njalo kungela Muntu ozihluphayo ukumdinga ngakhoke uPatson uthi usekubone kufanele ukuthi aqhubeke ngokukhankasela ukutholakala komnewabo. Uke wathathwa ngamapholisa etshengisela egqhoke iT-shirt elomfanekiso womnewabo ephakamise ibhakane elithi kadingwe uItai.
Amagqwetha awe Zimbabwe Lawyers for Human Rights abikwa elandele ukuyabona ukuthi usiwa ngaphi uPatson abika ukuba usekhululwe ngemva kokubaxabulwa kakubi ngamapholisa.