amalinks wokungena

Usuqalisile Umbukiso weZimbabwe International Trade Fair


Uqalise ngoLwesibili umbukiso weZITF 2017

Umbukiso walonyaka wezamabhizimisi owe Zimbabwe International Trade Fair uqale kakuhle ngoLwesibili koBulawayo kulamankampani edlula amakhulu amathathu lamatshumi ayisithupha abukisa impahla etshiyeneyo.

Umbukiso weZITF 2017 ulesihloko esithi, “Harnessing Linkages for Industrial Development’.

Isibhedlela seMpilo laso sibukisa okutshiyeneyo eZITF
Isibhedlela seMpilo laso sibukisa okutshiyeneyo eZITF

UMqondisi wenkampani yeZITF, uNkosikazi Noma Ndlovu, uthe konke kuhamba kahle embukisweni lo oqgitshwa ngoMgqibelo.

Umqondisi weBostwanan Investment and Trade Centre kwezokuthengisela impahla kwamanye amazwe, uMnunzana Temo Ntapu, utshele iStudio 7 ukuthi ukubukisa kwele Zimbabwe kubalethela ibhizimusi kanye lokufunda okunengi.

Manengi amazwe aphatheka lonyaka kumbukiso weZITF 2017
Manengi amazwe aphatheka lonyaka kumbukiso weZITF 2017

UNkosikazi Nobuhle Mazulu, owenhlanganiso yeHelping Hand, uthe bona baze ukuzobukisa lonyaka ukuze baqhubeke betholisa usizo abantwana abaswelayo lentandane njalo baqoqa ukuyanceda abantu abawelwa ludubo lwempopoma zamanzi eTsholotsho ngemva kombukiso.

NgoLwesithathu, inkampani yeZITF ikhangelele ukuba lomhlangano wabosomabhizimisi ozavulwa ngumsekeli kamongameli, uMnunzana Emmerson Mnangagwa.

ZITF 2017
ZITF 2017

Umbukiso weZITF 2017 ukhangelelwe ukuvulwa okusemthethweni mhlaka 28 Mabasa nguMongameli Hage Geingob wakwele Namibia.

Eminye imibukiso ezabakhona emagcekeni eZITF igoqela eyezokwethekelelwa kwelizwe obizwa ngokuthi yi A’sambeniAfrica Business Tourism Expo, iSchoolastica lePakPrint kanye le Ultim8 Home.

IBeitbridge Rural Council layo isembukisweni weZITF 2017
IBeitbridge Rural Council layo isembukisweni weZITF 2017

Amazwe abukisayo weZITF lonyaka abalisa iBostwana, iChina, iEthopia, Indonesia, Iran, Japan, Kenya, Germany, Malawi, Mozambique, Namibia leSouth Africa.

AbeSenegal sebebhadalele ukubukisa kodwa abakabukisi impahla yabo. Baphakathi kobunzima bokubhadalela amalembu abaze ukuzowabukisa ngoba inkampani yeZimbabwe Revenue Authority ibikwa ingathambisanga kumankampani azobukisa.

Ihlawulisa amankampani la imali enengi njalo kukhanya kunzima ukungena lamalembu eZimbabwe okwamanje.

Facebook Forum

XS
SM
MD
LG