UTsvangirai Udonselwa eHigh Court Ngodaba Lokukhetha Abasekeli Bakhe

Umkhokheli weMDC-T uMnu Morgan Tsvangirai sedonselwe emthethwandaba ngabasekeli abathi wephula isisekelo sebandla ngokukhetha uMnu Nelson Chamisa loMnu Elias Mudzuri ukuthi babe ngabasekeli bakhe.

Abakhweze udaba lolu edale leHigh Court nguMnu Patson Murimoga loMnu George Rice, bona abathi uTsvangirai kalawo amandla okwenza lokhu.

Bathi lo ngumlandu wabasekeli bebandla abamele bawugcwalise kuCongress. Igqwetha labo uMnu Zivanai Macharanga uthi bafuna umthethwandaba wesule isinqumo lesi.

Abasolwa kuloludaba nguTsvangirai, uChamisa, uMudzuri, lomgcinisihlalo webandla uMnu Lovemore Moyo.

Ukukhethwa kukaChamisa loMudzuri kutsho ukuthi uTsvangirai selabasekeli abathathu, okugoqela obevele ekhona uNkosazana Thokozani Khupe.

Abasekela uMakhupe bathukuthele njalo bathi uTsvangirai wathatha isinqumo lesi abanye abakhokheli abagoqela uMaKhuphe, unobhala jikele uMnu Douglas Mwozora, isikhulumeli sebandla uMnu Obert Gutu lomqoqi wenhlelo zebandla, uMnu Abednico Bhebhe bengekho.

Ingcwethi kwezombusazwe uMnu Nkululeko Sibanda laye usole uTsvangirai esithi akwenzileyo kulakho ukudabula ibandla phakathi.

Embed share

Ingxoxo loMnu Nkululeko Sibanda

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:00 0:00

Lapho esitholakala khona

• 128 kbps | MP3
• 64 kbps | MP3

Ukudlala