amalinks wokungena

Breaking News

Wharton: Ngifunde Okunengi Ekusebenzeni Kwami eZimbabwe


Ummeli weMelika kweleZimbabwe umnumzana Bruce Wharton
Ummeli weMelika kweleZimbabwe umnumzana Bruce Wharton

Osetshiya isikhundla sokuba ngummeli weMelika eZimbabwe umnumzana Bruce Wharton, useqalisile ukulungiselela ukusuka kwakhe elizweni njengoba esevalelisana labantu abakunhlangothi ezitshiyeneyo zempilo.

NgoLwesibili uye wayavalelisana lomsekeli kamongameli umnumzana Phelekezela Mphoko. Ngemva kwalokho uqhube ingxoxo esebenzisa imitshina yangalezi nsuku yebulenjini enkundleni yokulibazisana eyeTwitter, exoxa lozulu weZimbabwe.

UWharton utshele abantu beZimbabwe ukuthi ufunde okunengi ekusebenzeni kwakhe engummeli weMelika, esithi okumqoka akubonileyo ngawakhe amehlo yikuthi abantu balelo lizwe balesineke esikhulu ngoba bezimisele ukumelana lenkinga ezinengi ezikhona elizweni ezidalwa yikungamanga kuhle komnotho welizwe lezombusazwe, laloba bebebhekane lobunzima obukhulu kangaka baqhubeka belethemba lokuthi ngelinye ilanga umumo uzaguquka.

Uqhubeke ethi ubudlelwano bamazwe womabili ngesikhathi eselizweni ububone buthuthuka busiba ngcono okwamagama laloba izijeziso zenotho ezetheswa umongameli Robert Mugabe labanye bakhe abebandla leZanu PF lokhe zisesekhona.

XS
SM
MD
LG