amalinks wokungena

Breaking News

IMF: Uzaqhubeka Ubhidlika Umnotho weZimbabwe


Inhlanganiso yeInternational Monetary Fund (IMF) ithi umnotho weZimbabwe uzaqhubeka udilika ngamandla nxa uhulumende engathathanga amanyathelo aqinileyo.

Ithe njalo indlala ebangelwe yikungani kuhle kwezulu ngenye yezinto ezenza kube nzima ukuvuselela umnotho welizwe.

“Ziyakhula inkinga ezibhekane lomnotho weZimbabwe,” kutsho inhlanganiso yeIMF embikweni ewethule ngoLwesithathu.

“Nxa eleZimbabwe lingasathathanga amanyathelo aqinileyo, umnotho walo uzaqhubeka udilika… kuzaba nzima ukuthi liqhube inhlelo zentuthuko njalo lilwisane lobuyanga.”

IIMF ixwayise uhulumende ukuthi abhadale izikwelede zakhe kunhlanganiso ezifana layo kanye leWorld Bank ukuze iZimbabwe yenelise ukuthola uncedo lwemali olutsha.

Isikwelede seZimbabwe kunhlanganiso lezi lakumabhanga akwamanye amazwe singena kumabillion amadollar. Uhulumende uthi uzimisele ukubhadala imali le.

XS
SM
MD
LG