amalinks wokungena

Uzulu Ulembono Ehlukeneyo Ngemali Ethunyezwa Ngabe Zimbabwe Abasemazweni

  • Chris Gande

Umnumzana Patrick Chinamasa umpathintambo wezemali

Uzulu ulembono ehlukeno ngemali ethunyezwa ngabeZimbabwe asebehlala phandle kwelizwe ebikwa isehlile ngesilinganiso sokulitshumi lanhlanu ekhulwini-15% isuka kumabhiliyoni edlula kancane amabili-$2,1 billion yehla yayafika kubhiliyoni eledlula kancane elilodwa -$1.2 billion.

Esethula umbiko wakhe ophathelane lokusetshenziswa kwemali lendleko kahulumende kuluhlu lalonyaka, umphathintambo wezenotho, uMnu. Patrick Chinamasa utshele idale lephalamende ukuthi imali engenayo isiyehle kakhulu.

Ingcwethi ecubungula ezenotho, uMnu. Masimba Kuchera, waseHarare, uthi okunye okungabe kubangela ukwehla kwemali le yikuthi imisebenzi isitholakala nzima emazweni.

"Imali engena elizweni okusemthethweni ilutshwana kulaleyo engena ngezinye indlela ezifana labo malayitsha," kutsho uKuchera.

Imbono ka Kuchera igcizelelwe nguMnu. Nkululeko Sibanda ingcwethi ecubungula ezombusazwe ohlala kwele Bhilitane othi abeZimbabwe kabaselathemba ngelizwe labo kwezomnotho lokusungula emabhizimusi.

"Imali esithunyezelwa elizweni ezifana lokuvula ibhizimusi lokunye azisangeni kodwa abantu abasantu sebefuna nje ukuphathisa izimuli ukuze ziphile nje kuphela," kutsho uSibanda.

Isizalwane seZimbabwe esihlala ngapha kweleMelika, uMnu. Den Moyo, ongumgcinisihlalo webandla le MDC-T uthi imbiko kaChinamasa ingabe ingelaqiniso.

"Singayikhangela ngendlela ezitshiyeneyo," kutsho uMoyo. "Kungaba lokwengezelela inani lemali engasathunyelwa ngoba uhulumende efuna ukuthi kubonakale ungani abantu abasemazweni kabasafuni ukuphathisa izihlobo labangane."

UMnu. Dennis Juru ohlala kwele South Africa uthi okungabe kubangela ukwehla kwemali evele emazweni yikwesabela ukuthi ingathunyezwa kayisoze itholakale endaweni lapho emele ithathwe khona loba emabhanga, njengoba sokuhlupha kangaka ukuthatha engeyakho imali oyigcinisa ebhanga abantu bacine bebanjwa ngamandla ukusebenzisa ezinye indlela zokuthi abasekhaya bathole imali.

"Okwakuqala yikuthi uzulu kaselathemba ukuthi imali ayithumelayo izatholakala okwesibili ngokwethuselwa kwabantu ukuthi bazathathelwa impahla emngceleni," kutsho uJuru.

XS
SM
MD
LG