amalinks wokungena

Uzulu Uthi Akuncedi Lutho Ukuthatshwa Kwembono Yabo Ngama Bond Notes

  • Praxedes Jeremiah

Amalunga edale lephalamende ayabhodabhoda kwele Zimbabwe lapho abuthelela khona imbono kazulu ukwenzela ukuthi aphume lomthetho ozakwenza kubesemthethweni ukuthi kusetshenziswe imali yohlobo lwama bond notes.

Ikhomithi ebona ngokusetshenziswa kwemali yelizwe iphume ijumo ngesikhathi eleZimbabwe selivele lethulela uzulu imali le okukhanya ingafunwa nguzulu.

Okwamanje kuhlolisiswa iziqondiso zeReserve Bank of Zimbabwe Amendment Bill ozakwenza kwethulwe imali le okusemthethweni. Okwamanje kusetshenziswa amandla kamongameli welizwe ukuthi imali yama bond notes ibesezandleni zikazulu.

Abantu abanengi bazibuza ukuba lokhu kuzanceda ngani nanku phela imali yama bond notes le isivele isisetshenziswa emphakathini?

Bathi lokhu ayisikho kudlalisa imali na ukutshona kudingwa imbono yabantu ngemali esisebenza?

Ukuhlaziwa loludaba iStudio 7 ixoxe loMnu. Mxolisi Ncube, intathelizindaba elodumo esebenzela kwele South Africa, loMnu. Prince Dubeko Sibanda, ilunga ledale lephalamende lebandla lebandla leMDC-T ongomunye wekhomidi yezemali eyenza imihlangano lozulu ngodaba lwama bond notes.

USibanda uqala ngokuchasisa ukuthi yebo amaBond notes asekhona kodwa kulemithetho emibili esetshenziswe ukwethulwa imali le, owamandla kamongameli owenze yethulwa kungakakhulunyisanwa lozulu, lalowo owedale lephalamende, obamba ngamandla idale ukuthi liqale likhulumisane lozulu andubana kwethulwe umthetho, njengalokho okumumethwe yisisekelo sombuso welizwe.

XS
SM
MD
LG