amalinks wokungena

Breaking News

Ungena Engwalweni Zembali yeMelika uNkosikazi Hillary Clinton


Unkosikazi Hillary Clinton
Unkosikazi Hillary Clinton

Osekhethwe ukummela ibandla lamaDemocrats kukhetho lokudinga umongameli weMelika, uNkosikazi Hillary Clinton wamukele okusemthethweni lesi sikhundla ekugqitshweni komhlangano omkhulu webandla lakhe oweDemocratic National Convention-DNC, ngoLwesine ntambama, edolobheni lePhiladelphia.

Unkosikazi Hillary Clinton
Unkosikazi Hillary Clinton

Ngalokho ke, kuhle kwamenza wangena engwalweni zembali yeMelika njengowesifazana wakuqala osethe wakhethwa ukummela ibandla elikhulu lezombusazwe elinjengelakhe kukhetho lokudinga umongameli welizwe.

Esamukela lesi sikhundla uNkosikazi Clinton abantu abakade bekulumbuthano owenzelwe phakathi kwenkalakatha yesakhiwo basukume bonke ikakhulu abesifazana abadala labatsha, bemqakezela betshengisa injabulo yabo ngokubona owesifazana ephakama efika kulesi sibanga.

Njengokwethembisa kwami ngiqalisa lolu hambo ngomnyaka odluleyo, ngiyemukela lesi sibanga sokulimela kukhetho lokudinga umongameli weMelika……. Sizosebenza sonke simanyene ukuze silondoloze leli lizwe lilihle, silithuthukise sisonke ngoba akulamuntu oyedwa ongakwenelisa lokho sisenzela elakusasa elihle labantwabethu”.

NgoLwesithathu umhlangano webandla lamaDemocrats eleMelika ungene kusuku lwesithathu kulezikhulumi ezihloniphekayo ezigoqela umongameli Barack Obama, umsekeli wakhe uMnu. Joe Biden, umnumzana Tim Kaine okhethwe ukuba ngumsekeli kaNkosikazi Hillary Clinton ozammela leli bandla kukhetho lukamongameli weMelika ngoLwezi labanye abambalwa. Bonke bebesola ozammela ibandla lamaRepublicans uDonald Trump bekhuthaza uzulu weMelika ukuthi kungaba liphutha elikhulu ukumkhetha ukuba ngumongameli.

Umongameli Barack Obama emhlanganweni weDemocrat National Convention
Umongameli Barack Obama emhlanganweni weDemocrat National Convention

Umongameli Barack Obama ungene enkundleni yezikhlumi ezilohlonzi emhlanganweni omkhulu webandla lamaDemocrats owenzelwa ePhiladelphia ekhuthaza abasekeli baleli bandla ukuthi bahlanganele laye ekusebenzeleni ukuthi uNkosikazi Hillary Clinton akhethwe ukuba ngumongameli olandelayo weMelika lapho eseqeda ihlandla lakhe lokubusa ekupheleni komnyaka.

“Lonyaka ngiyalicela ukuba lihlanganele lami ukwala ubukhokheli bokwethuselana, bokuthuka lokungahloniphi abanye abantu, sikhethe kulolu khetho u hillary clinton njengomkhokheli olandelayo waleli lizwe elihle sitshengise umhlaba ukuthi uzulu waleli lizwe ukholwa ubuhle balo njengelizwe elithanda ukuzohlalwa ngumuntu wonke emhlabeni jikelele.”

Waxwayisa ukuba uTrump uhlanyela inzondano lokwethuselana phakathi kukazulu weMelika.

“Lokhe etshaya amaslogan okwethusela abantu ukuthi leli lizwe seliwonakele kodwa engatsho ukuthi kuwonakale ngaphi njalo uzakulungisisa njani elethemba lokuthi engadlala ifejafeja ngokubethusela abantu ukuthi bavote ngokwesaba anqobe kungakho nxa ecabanga ukuthi edinga ukubheja ngale indlela kasoze anqobe ngitsho lakancane nxa ecabanga ukuthi abantu bemelika bayizithutha”

Umsekeli kamongameli uMnu. Joe Biden
Umsekeli kamongameli uMnu. Joe Biden

Umsekeli kamongameli uMnu. Joe Biden laye ugcizelele ekuthini abantu kumele bavotele uClinton esola acintisana laye webandla lamaReoublicans uTrump.

Umuntu ongadinga ukuzenzisa ehlanyela inzondano lapha eMelika uyazikhohlisa kasisoze samvumela thina ukuthi enze njalo”

UTrump ngakwelinye icele ube lokhe ekhankasa etshela abasekeli bakhe ukuthi uClinton akathenjwa ngexa yodaba lwakhe lokuthi wasebenzisa ubulembu basemzini wakhe ukuloba ama email omsebenzi lapho engonobhala wobudlelwano beMelika lamanye amazwe ekhuthaza iRussia ukuthi imngenele iveze lezo ncwadi kodwa wavuka ngoLwesine esesithi ubezidlalela.

XS
SM
MD
LG