amalinks wokungena

Umzukulu kaMugabe Uthi Akumelanga uMnangagwa Athathe Isikhundla Sikamongameli

  • Gibbs Dube

Zimbabwe Vice President Emmerson Mnangagwa

UMnu. Patrick Zhuwao, umzukulu kaMongameli Robert Mugabe, uthi kasakeli ukuthi umsekeli kamongameli uMnu. Emmerson Mnangangwa, athathe isikhundla sikaMugabe nxa engatshiya umsebenzi.

UZhuwao utshele iphephandaba leStandard ukuthi kungeke kwenzakale ukuthi uMnangagwa athathe isikhundla sikamongameli ngoba abasekeli bakhe bathi bazabulala labo abangafuni ukuthi abengumongameli.

Uthe ngakho-ke angeke asekela umuntu obona engani uzasebenzisa inhlangothi zikahulumende ukuthi abulale abantu abangamsekeliyo.

UZhuwao uthe okwamanje abasekeli baka Mnangagwaa baqhubekela phambili bemkhankasela ukuthi athathe isikhundla lesi loba nje ibandla le Zanu PF lisithi uMugabe nguye oyinsika yabandla elibusayo.

UMnu. Emmerson Mnangagwa loMongameli Robert Mugabe

UMnu. Emmerson Mnangagwa loMongameli Robert Mugabe

UZhuwao kubikwa ukuthi ulehlekana labasekeli bebandla leli abafuna ukuthi uNkosikazi Grace Mugabe athathe isikhundla sikaMugabe hatshi uMnangagwa.

Ibandla leZanu PF laxotsha owayengumsekeli kaMugabe, uNkosikazi Joice Mujuru lezinye iziphathamandla zebandla leli, lisithi babezama ukususa uMugabe esikhundleni okungekho emthethweni.

XS
SM
MD
LG