amalinks wokungena

Abatshayeli Bezimota Ezinkulu Bethuswa Yimpi ye DRC

  • Gibbs Dube

trucks

trucks

Abatshayeli bezimota ezinkulu abe Zimbabwe abathwala impahla esuka kwele South Africa le Zimbabwe isiya kwele Democratic Republic of Congo (DRC) bathi osomabhizimusi bazalahlekelwa yimali enengi okumangalisayo nxa impi yabahlamuki be M23 ingaqhubeka.

Abatshayeli laba abakhulume besedolobheni le Lubumbashi eDRC bathi kusathule kuleyo ndawo loba nje impi le ibethusa.

Bathi uhulumende we DRC wethule umbiko othi abantu bengethuki ngoba ezalwisana le M23 ize iphele impi le.

Abatshayeli laba bathwala insimbi zokwemba emigodini, okwenjiweyo kwasekuhlolisiswa, inyama, inkukhu lokunye okutshiyeneyo.

Kulezimota ezinkulu ezifika inkulungwane ezedlula edolobheni le Lubumbashi ngelanga zisiya kwele DRC.

Umnu. Albert Ncube, omunye wabatshayela izimota lezi, uthi akwaziwa ukuthi impi le izamemetheka okunganani eDRC.


Umnu. Nsinda Dube, omunye njalo umtshayeli wezimota ezinkulu ose DRC uthi balethemba lokuthi kabasoze bahlukuluzwe ngamalwecatsha eM23.
XS
SM
MD
LG