amalinks wokungena

Kuqhubekela Phambili Ukutshengisela eMelika Kusolwa UTrump

  • Gibbs Dube

Omunye wabatshengisela duzane le Trump Tower eManhattan, New York.

Omunye wabatshengisela duzane le Trump Tower eManhattan, New York.

Ezinye izizalwane zeMelika ezikhonona ngokukhethwa kukaMnu. Donald Trump ukuthi abengumongameli weMelika lokhe ziqhubekela ngokutshengisela ezitaladini endaweni ezinengi zelizwe.

Imbiko eyethulwa ngamaphephandaba lemisakazo eminengi eMelika itshengisa ukuthi kubelodlakela endaweni ezinjenge Oregon izolo ntambama lapho abantu abatshengiselayo abatshaye khona izitolo ngamatshe.

Kwezinye indawo, abokholo lwesi Muslim bathi bayethuselwa ngabalandeli bakaTrump abathi sokumele babuyele kibo njengalokho okade kukhankaselwa nguTrump kungakenziwa ukhetho lukamongameli.

UTrump wethule umbiko ebulenjini be internet kuTwitter esithi abatshengiselayo laba ngabantu abaqhatshwe libandla like Nkosikazi Hillary Clinton amlahle phansi kukhetho lukamongameli.

Uphinde wabhala njalo kuTwitter ukuthi abantu laba balelungelo lokutshengisela loba nje kusobala ukuthi bazacina bebuyela ngemakhaya njengoba enqobe uClinton okumangalisayo.

Abanye abatshengisela ezitaladini base Chicago, New York, California, Los Angeles lezinye indawo eMelika.

UMnu. Mpariwa Gwekwerere, isizalwane seZimbabwe esihlala edolobheni leNew York, uthe abatshengisela ezitaladini bazabuyela ezindlini ngesikhathi esifitshane esilandelayo.

XS
SM
MD
LG