Abenhlanganiso yabemba amatshe aligugu bezimele abe Small Scale Miners bakhuthaza uhulumende weZimbabwe ukuba acace kundlela azakwabela ngayo imali abathembisa yona engaba yizigidi ezingamatshumi amabili zamadollar - $20 million yokuthuthukisa umsebenzi wabo.
Ekhuluma emhlanganweni wabakulumsebenzi wezemigodi, oweZimbabwe Alternative Mining Indaba koBulawayo eHoliday Inn, uMnumzana Philimon Mokoele umgcinisihlalo weNational Youth in Mining, ucele uhulumende ukuba aphume egcekeni kundlela abela abembayo imali abathembisa yona ethi ngoba linengi igolide asebelise kuhulumende lomanje besasekhona abalithengisa emkambo womkoto.
Abembayo lokhe bephakathi kokuhlaziya umthetho osabunjwa ophathelane lokwemba amatshe aligugu oweMining Bill.
Isikhulumi senhlanganiso ye Zimbabwe Miners Federation, uMnumzana Dosman Mangisi, uchaze ukuba iBill le ilezikhexe ezinengi ngoba ayihloniphi abemba bezimele ngoba balinganiswa lamankampani amakhulu kukho konke okumunyethwe yiyo.
Abangene lumhlangano wakoBulawayo bagoqela abembayo, abogatsha lukahulumende lwezokwemba kunye lozulu.
Kulabavele kwamanye amazwe abalisa iSouth Africa leZambia abakhona emhlanganwenilo.
Umsebenzi wezemigodi ubikwa uyiwo obambe umnotho weZimbabwe okwamanje, igolide liyilo elilethela ilizwe imali enengi nomanje kulodubo lokuthengiswa kwalo emkhambo yomkoto.