amalinks wokungena

Breaking News

Andrew Kadengu: Inhliziyo Yami Ibuhlungu Ngokudilika KweZimSaints


UAndrew Kadengu owayedlalela iqembu lenguqu eleZimbabwe Saints.
UAndrew Kadengu owayedlalela iqembu lenguqu eleZimbabwe Saints.

Owayengumdlali weqembu le Zimbabwe Saints uAndrew Kadengu uthi ubuhlungu ngokutshabalala kweqembu le Chauya Chikwata.

UKadengu owaziwa ngegama lokusoma elithi Mai Maria wazalelwa edolobheni lako Bulawayo ngomnyaka ka 1954.

Ufunde ezikolo ezigoqela iLobengula Primary kanye le Mzilikazi lapho aqala khona ukudlala ibhola ikanti iqembu lakhe lakuqala bekuliqembu le Eastlands elabasakhulayo lapho adlale khona labadlali ababalisa uTommy Masuku kanye lomuyi uTymon Mabaleka.

Ngomnyaka ka 1967 ungene kuqembu labakhulu ele Eastlands kwathi ngemva kweminyaka emibili wasebhekisa amabombo waqonda eMhangura.

“NgiseMhangura khonangale ngadlalela iqembu le Mhangura kanye lele Alaska kwathi ngemva kwalokho ngaya eMutare lapho engafika ngadlalela khona iqembu le Sakubva United.”

Ngesikhathi edlala kuqembu leMhangura uKadengu udlale lababalisa umuyi uLovemore Nyabeze kanye lamajaha ako Chieza uItai, uTendai, uGeorge, uIsaac, uHector kanye lo Themba.

Kuqembu le Sakubva udlale labadlali abagoqela uIsaac Mafaro, uRichard Nyabeze kanye lo Ebson “Sugar” Muguyo.

Bobathathu laba uhambe labo ngesikhathi esebuyela koBulawayo ukuyadlalela iqembu le Zimbabwe Saints lona elalisaziwa ngokuthi yi Mashonaland United ekupheleni komnyaka ka1973.

UKadengu labanye bakhe badlalele iqembu le Zimbabwe Saints ngemva kokubizwa ngumuyi owaba ngumphathintambo kahulumende ekutholeni kwelizwe uzibuse uHerbert Ushewokunze.

UAndrew Kadengu Uhlutshwa Yikubhidlika KweZim Saints
please wait

No media source currently available

0:00 0:02:37 0:00
Lapho esitholakala khona

UKadengu udlale kuqembu le Zimbabwe Saints okweminyaka eyedlula elitshumi njalo uphakamise inkezo ezigoqela eyeCastle Cup, iChibuku Trophy, BAT Rosebowl, Nyore Nyore, Rothmans Shield kanye lesicoco seLigi.

Uthi ukutshabalala kweqembu leZimbabwe Saints lona eselidlala kusigaba sika Division 3 kumzwisa ubuhlungu kakhulu.

“Ngizwa kubuhlungu kodwa into ekhathazayo yikuba akula engingakwenza mina ngingapha. Bayake bengitshele inkathazo zabo abo Godfrey Paradza labo Philemon Dangarembwa kodwa singancedana nje ngokukhuluma lami ngibapha amacebo athile.”

Kulezinsuku uAndrew “Mai Maria” Kadengu usebenza labadlali abasacathulayo eMashonaland West okuyikho ahlala khona kusukela ngomnyaka ka 1987 ethutha koBulawayo.

Ensukwini ezisanda kwedlula ubeyingxenye yeqembu ebelimele isigaba seMashonaland West okuyiso ebesiqoqe imidlalo yeZimbabwe National Youth Games eqhutshelwe edolobheni le Chinhoyi.

XS
SM
MD
LG