Umthethwandaba we High Court eHarare usuthethe isinqumo sokuthi abasakhulayo bebandla leZanu PF kumele basuke lapho abazihlalisa khona kundawo yama cooperatives emzini we Warren Park.
Umthethwandaba lo uphinde wathi nxa besala ukuphume kumele njalo kusiyaphela amalanga alitshumi kusukela mhlaka 14 kuyonale inyanga kaMfufu baveze izizatho zokuphikisa sinqumo lesi.
Abasakhulayo laba bangena kuma cooperatives abalisa iSouthpole, Westwood, Warren Hills le Walk In Spirit.
Abetheswa umlandu wokukhokhela abasakhulayo beZanu PF laba ukuhluthuna lumhlabathi babalisa uAgony Mosi, Tapiwa Kanyemba, Daniel Chigoni kanye lobikwa kunguye okhangelelwe ukumela ibandla le Zanu PF kulendawo (Shadow MP), uMnumzana Abicia Ibrahim Ushewokunze.
Kodwa uMnu. Ushewokunze uyazigeza kulelicala esithi kabazi laba bantu. Omunye wamalunga ala ma co-orperatives, uMnu. Dumisani Sibanda, uthe lesi sehlakalo sesibabuyisele emuva ekuqhubeni imisebenzi yabo yokwakha.
Incwadi eyalotshwa ngosaphethe ugatsha olubona ngezindlu lokwakhiwa kwazo kumanisipala weHarare (acting director of housing and community services), mhlaka 16 kunyanga kaNkwenkwezi, uRetired Major Marara, yakubeka sobala ukuba abangena kuma co-operatives amane asemthethweni ngabalandeli bebandla le Zanu PF.
Kodwa abasakhulayo laba baqhubeka beqinisa amakhanda besala ukukulandela lokho besithi kulilungelo labo ukuhlala kulezondawo njengoba bekwenza kulandelwa uhlelo lwebandla labo le Zanu PF lokutholisa ontanga umhlabathi.