amalinks wokungena

Breaking News

Donald Mvundla: UClinton Uzanqoba uDonald Trump Kukhetho Lukamongameli


Donald Trump and Hillary Clinton,
Donald Trump and Hillary Clinton,

Zinengi izizalwane zeZimbabwe ezithi zibona engani uNkosikazi Hillary Clinton okubandla lama Democrats uzanqoba uMnu. Donald Trump okubandla lama Republicans kukhetho lokudinga umongameli omutsha weMelika oluzakwenziwa ngeviki ezayo.

Kukhanya ukhetho lolu soluyindaba egudwini eMelika ngenxa yokukhankasa kwababili laba abakhuluma ngokutshiyeneyo nsukuzonke ikakhulu ubutshapha babo.

Omunye walabo abacabanga ukuthi uNkosikazi Clinton uzanqoba nguMnu. Donald Mvundla, osehlale eMelika okweminyaka eyedlula elitshumi lanhlanu.

UMvundla uthe uNkosikazi Clinton ezanqoba loba nje ehlutshwa zincwadi zama emails ezivezelwe uzulu ngamapholisa ensitha aweFederal Bureau of Investigations ngeviki ephelileyo.

Ingxoxo Esiyenze LoMnu. Donald Mvundla
please wait

No media source currently available

0:00 0:03:42 0:00
Lapho esitholakala khona

Okwamanje ababili laba sebekhethe abantu ababakhankaselayo abagoqela uMongameli Barack Obama, umsekeli wakhe uJoe Biden, uMnu. Bill Clinton labanye abasekela uTrump.

Akwaziwa ngempela ukuthi ozanqoba ngubani loba nje asebevotile kukhanya inengi labo livotele uClinton.

XS
SM
MD
LG