amalinks wokungena

Inkampani Ethengisa Amafutha Ezimota Isiza Abalesifo Senhliziyo

  • Mavis Gama

Abafanyana ababili abathola uncedo lokwelatshwa isifo senhliziyo.

Abenkampani yamafutha ezimotha eye National Oil Infrastructure Company of Zimbabwe (NOIC), ngoLwesithathu banikeze inkulungwane ezingamakhulu amathu lengxenye zamadola -$350,000, esikhwameni esisanda kusungulwa sokubuthanisa imali ezosiza ekwelatshweni komkhuhlane wenhliziyo.

Esemukela lolusizo, umphathintambo wezempilakahle lokulondolozwa kwabantwana, uDr. David Parirenyatwa, ukhale ngokuthi ugatsha lwakhe luvele lutholiswa imali enlutshwana kakhulu nguhulumende.

UDr. David Parirenyatwa wemukela imali yokunceda abalesifo senhliziyo.
UDr. David Parirenyatwa wemukela imali yokunceda abalesifo senhliziyo.

UDr. Parirentatwa uqhubeke esithi asikho isizatho sokuya kwelatshwa kwamanye amazwe ngoba zinengi eZimbabwe ingcwethi ezingelapha izifo ezehlukeneyo.

Umqondisi kuhlangothi lwezokukhulumisana kunkampani ye NOIC, uNkosikazi Vivian Mandizvidza, uveze ukuba isikhwama lesi sisungulwe ngemva kosizo abenkampani yakhe abalunikeze abantwana abayisikhombisa abayehlinzwa kwele India.

Uthe sebakunanzelela ukuba kumqoka ukusiza isibhedlela seParirenyatwa Group of Hospitals ngemali ukuze abayabe betholakale ukuba balezifo zenhliziyo belatshwe eZimbabwe hatshi phandle kwelizwe.

Eyinye yengcwethi kwezokwelapha ngokuhlinza abalezifo zenhliziyo, uDr. Machawira, wamukele ngenjabulo ukubunjwa kwalesi sikhwama.

Abanye abantu akade besesibhedlela seParirenyatwa Hospital lapho okade kunikezwa khona imali yokwelapha umkhuhlane wenhliziyo.
Abanye abantu akade besesibhedlela seParirenyatwa Hospital lapho okade kunikezwa khona imali yokwelapha umkhuhlane wenhliziyo.

Ziyakhalaza ingcwethi kwezokwelatshwa kwabalezifo zenhliziyo ukuba ele Zimbabwe yilo lodwa ilizwe emhlubulweni wangezansi kwezwekazi le Africa, elilokhe lingelawo umtshina oqakathekileyo ekwelatshweni kwezifo zenhliziyo owe “Cardiothoracic ”.

Asebeke belatshwa ngalendlela ngemva kokuthunyelwa kwele India lamanye amazwe, bathi ukubunjwa kwesikhwama lesi kuzosiza abanengi.

Babikwa besedlula amakhulu amabili abantwana abazalwa belezifo zenhliziyo ngomnyaka.

Kubiza inkulungwane eziphakathi kwamane kusiya kweziyisithupha zamadollar - $4,000- $6,000 - ukwelatshwa isifo senhliziyo, kusiya ngokuthi kuyini okumele kwenziwe.

Facebook Forum

XS
SM
MD
LG