amalinks wokungena

Breaking News

IQhubekela Phambili iBosso Kunkezo yeChibuku


Highlanders striker Kasimero Chimbadzwa shields the ball from Chicken Inn defender Divine Lunga.
Highlanders striker Kasimero Chimbadzwa shields the ball from Chicken Inn defender Divine Lunga.

Iqembu le Highlanders lidlulele kusigaba se quarter-final ngemva kokutshaya ele Mutare City Rovers nge 2 ka 1 ngeSonto enkundleni yeBarbourfields.

Elinye iqembu elidlulele kusigaba esilandelayo ngele Tsholotsho lona elitshaye ele Caps United nge 5 ka 4 ngemva kokutshaywa kwembekwa ngemva kokuba umdlalo ubufike komlindi uyacina zingutshiki lobhanqa 1 ka 1.

Umqeqetshi weqembu le Tsholotsho uLizwe Sweswe uthi umncintiswano we Chibuku Super Cup ubapha ithuba lokuba bezitholele imali engabaphathisa kakhulu.

“Kungaba kuhle nxa singaphumelela ngoba kuzakwenza abafana bethu bebonakale njengoba limidlalo isiza lethuba elokuyadlala kuzwekazi lase Africa ikanti lemali esizayithola lapha izaphathisa kakhulu iqembu.”

Abadlali beqembu le Highlanders
Abadlali beqembu le Highlanders

Amanye amaqembu afinyelele ukuyaphatheka kusigaba esilandelayo esomncintiswano we Chibuku Super Cup ngabalisa iqembu eliphethe lesisicoco okwamanje ele Harare City lona elinqobe ele Border Strikers nge 4 ka nya ngoLwesihlanu, ele ZPC Kariba elitshaye ele Bulawayo City nge 1 ka nya ngoMgqibelo.

Iqembu le Ngezi Platinum lalo elibhaxabule ele Hwange nge 3 ka 1, ele FC Platinum elitshaye ele Chapungu nge 1 ka nya, ele Triangle elidle ele Chicken Inn nge 1 ka nya, kuthi ele How Mine lona lidlulele phambili ngemva kokunqoba ele Dynamos nge 5 ka 4 ngemva kokutshaywa kwembekwa.

Isikhathi besize saphela kungela qembu elenelise ukulitshayela emambuleni.

Amaqembu ayithoba minwe mbili aphelelwe ngumphako ngemva kwemidlalo ye first round azathola inkulungwane ezilitshumi zamadola kuthi amaqembu amane azehluleka ukuchapha kusigaba se quarter – final azathola inkulungwane ezilitshumi lanhlanu.

Amaqembu amabili azaphuma emncintiswaneni ngemva kwemidlalo ye semi-final azathola inkulungwane ezingamatshumi amabili lanhlanu kuthi iqembu elizadliwa ku final lizathola inkulungwane ezingamatshumi amahlanu.

Intshantshu zomqhudelwano we Chibuku Super Cup zizaphakamisa linkezo ziphinde ziphiwe inkulungwane ezingamatshumi ayisikhombisa lanhlanu zamadola asemelika.

Udaba Esilethulelwe NguJoseph Njanji
please wait

No media source currently available

0:00 0:02:16 0:00
Lapho esitholakala khona

XS
SM
MD
LG