************** Umphathintambo wogatsha lwendaba zasekhaya kweleSouth Africa, uMnumnzana Malusi Gigaba, uthi usacabanga ngokuthi uzakwenzenjani nxa amaZimbabwe Special Permits ezizalwane zeZimbabwe eziphose zifike inkulungwane ezingamakhulu amabili, ephelelwa yisikhathi ngo Mpalakazi ngomyaka ka2017.
********* Eyinye inkokheli yeNational Convergence Platform ekhokhelwa nguReverand Bakare iyekela ukuya emhlanganweni wokuqala okhangelane lokwenzakala kwele Zimbabwe.
********* UMnu. Morgan Tsvangirai owebandla le MDC-T ukhangelelwe ukuthi uzakhuluma kusasa lozulu eZimbabwe Grounds, eHarare, ngokubhekane lelizwe leZimbabwe.
********* Sizahlolisisa ukuthi uMongameli Robert Mugabe uzakwethulani kumbiko wakhe oqakathekileyo oweState of the Nation ngeviki ezayo.
********** Lingakhuthwa luhlelo Woza Friday lezemidlalo lamhlanje. Thiyani indlebe lizizwele!! Ukuzwa yikuncitshwa!!
********** KuLivetalk lamuhla sihlaziya okwethulwe ngumphathintambo wogatsha lwendaba zasekhaya kweleSouth Africa, uMnumnzana Malusi Gigaba, othi usazidla ingqondo ngokuzakwenzelwa izizalwane zeZimbabwe ezilamaphepha eZimbabwe Special Permits azacina ukusetshenziswa ngomyaka ozayo. Lithini ngalokhu?
Lingakhuthwa yilezindaba lezinye kuStudio 7 ngo half past 7 ntambama kumagagasi athi 909 am, 4930, 6065, 15460 laku 13860 kilohertz kuShortwave. Sitholakala njalo kuWhats’app lakuFacebook ekhasini lethu ele VOA Ndebele.
