amalinks wokungena

Breaking News

Amalungiselelo eZITF 2017 Asekuzinga Eliphezulu


The Zimbabwe International Trade Fair announced Thursday the dates for ZITF 2017.
The Zimbabwe International Trade Fair announced Thursday the dates for ZITF 2017.

Sekusibanga esiphezulu amalungiselelo ombukiso weZimbabwe International Trade Fair womnyaka ozayo ozakwenziwa ngomnyaka ozayo ngoMabasa eZimbabwe International Exhibition Centre koBulawayo.

Umbukiso lo uzakwenziwa kusukela mhlaka Mabasa 25 kusiyafika mhlaka 29.

Umbukiso lo olesihloko esithi ‘Harnessing Linkages for Industrial Development’, ngowesibanga samatshumi amahlanu lasificaminwe mibili – 58.

UMqondisi wenkampani yeZITF, uNkosikazi Nomathemba Ndlovu, utshele iStudio 7 isihloko lesi sijonge ukuthi baqhubekele phambili bezama ukuvuselela lokuthuthukisa amafekithali akoBulawayo leZimbabwe jikelele ngokubambana lamanye amazwe.

UNkosikazi Ndlovu ungezelele uthe basebenza gadalala ukuthi umbukiso weZITF ka2017 ulethe amanye amazwe ukuthi azobukisa imitshina lezinye indlela ezingaphathisa ilizwe ukuthi amafekithali avuke.

Uthe sebeqalisile lokukhuluma lamanye amazwe ukuthi abuye embukisweni lo njalo bayathaba ukuthi labo asebekhulumisane labo bathi bazabhalisa ukuzobukisa kumnyaka ozayo njalo balethemba lokuthi amanye lawo azabe ebhalisa kusukela khathesi.

Udaba Esilethulelwe NguNompumelelo Moyo
please wait

No media source currently available

0:00 0:04:55 0:00
Lapho esitholakala khona

Njengenjayelo amalanga amathathu akuqala mhlaka 25 kusiya ku 27 Mabasa azabe engawebhizimusi njalo basazavulela uzulu ukuthi angene mhlaka 28 lo 29 Mabasa.

Mhlaka 26 Mabasa kuzabe kulomhlangano wabosomabhizimusi iZITF Business Conference kuthi-ke mhlaka 27, iZITF izabe ibonisana lamafekithali ukuba bangawavusa kanjani behlangene lenhlanganiso yamabhizimusi iConfederation of Zimbabwe Industries.


Umbukiso weZITF 2017 ukhangelele ukuvulwa mhlaka 28 Mabasa njalo eminye imibukiso ezabe ikhona ngesikhathi seZITF igoqela iA’sambeni Africa Business Tourism Expo leSchoolastica lePakPrint kanye le Ultim 8 Home.

Amazwe asethembise ukuthi azabe ekhona njalo embukisweni wezamabhizimusi oweZITF 2017 abalisa iBotswana, iBrazil, iChina, iJapan, iKenya, iMalawi, iMauritius, iMozambique, Namibia, iPakistan, iRussia iSouth Africa leZambia.

Izisebenzi zenkampani yeZITF zisanda KUphenduka ekukhulumisaneni labosomabhizimusi emazweni eEurope ngemizamo yokuvuselala lokuthengisa amabhizimusi eZimbabwe.

XS
SM
MD
LG