WASHINGTON —
Uhulumende wazise ababalisi besikolo seNdangababi Primary esise Dete ukuthi babuyele emsebenzini kusasa ngoba inkokheli yomdabu isilungisile udubo olucatshangelwa ukuthi yimikhoba ebikade ibahlukuluza kulesisikolo.
UMnu. Jabulani Mpofu, isiphathamandla sogatsha lwezemfundo esigabeni seMatabeleland North uthi uhulumende uqinisekile ukuthi induna, osobhuku, lezinye inkokheli zomdabu eDete ziwufeze kuhle umsebenzi wokulungisa loluhlupho.
Imikhoba le ibikwa ibihlukuluza abantwana lababalisi kulesisikolo njalo inyanga ezitshiyeneyo sezizame zehluleka ukuyixotsha.
UMnu. Never Nyahunzvi, isiphathamandla seProgressive Teachers Union of Zimbabwe eMatabeland North utshele istudio 7 ukuthi ababalisi abathembi ukuthi imikhoba le isixotshiwe okweqiniso.
UMnu. Jorum Sibanda, umgcinisihlalo wenhlanganiso emela amalungelo abazali kulesisikolo eye School Develompment Committee utshele uSithandekile Mhlanga weStudio 7 ukuthi bazadingela ababalisi indawo zokuhlala esikolo seSecondary esiseduzane.
Kusenjalo, ugatsha lwezemfundo luthwele nzima ngokuswela imali yokusebenza ngemfanelo kuthi-ke abazali bazama ngamandla wonke ukuthi babhadale imali yezemfundo.
Umnu. David Coltart umphathintambo wezemfundo usekhulume kanengi ngokuswelakala kwemali yokuqhuba inhlelo ezitshiyeneyo kugatsha lwezemfundo.
Ugatsha lolu ngoMmabasa lwethula uhlelo lokuzama ukuvuselela ezemfundo kwele Zimbabwe olwalukhangelelwe ukuthi luzasebenza kahle nxa kungadingwa i$4.5 billion.
Idale le cabinet lamukela uhlelo lolu loba nje okwamanje lulokhe lungakaqali ukuthuthukisa ezemfundo kwele Zimbabwe.
Kunengi okuhlasele ugatsha lolu okunjenga maphepha omhloliso alahleka mnyaka yonke kumbe aphiwe izifundi isikhathi sokubhala umhloliso singakafiki.
Umnu. Panganai Zimhuno, umsekeli womphathisikolo se Sijahugwe Secondary School esabelweni se Matabeleland North, usanda kulahla amaphepha emhloliso elitshumi lantathu – 13 -- osekwenze ukuthi ugatsha lwe Zimbabwe School Examinations Council lubhale eminye imhloliso le.
IZimsec isikhangelelwa phansi nguzulu njengoba ihlaselwe zinkinga ezingapheliyo.
Ukuze sihlaziye udaba lwenhlupho ezikhangelane logatsha lwezemfundo kanye le zimsec, sixoxe loNkosazana Nonsikelelo Ndlovu okunhlanganiso ekhangelane lezabasakhulayo iNational Youth Development Trust loMnu. Ambrose Sibindi owayekunhlanganiso yabazali eCyrene Mission
UMnu. Jabulani Mpofu, isiphathamandla sogatsha lwezemfundo esigabeni seMatabeleland North uthi uhulumende uqinisekile ukuthi induna, osobhuku, lezinye inkokheli zomdabu eDete ziwufeze kuhle umsebenzi wokulungisa loluhlupho.
Imikhoba le ibikwa ibihlukuluza abantwana lababalisi kulesisikolo njalo inyanga ezitshiyeneyo sezizame zehluleka ukuyixotsha.
UMnu. Never Nyahunzvi, isiphathamandla seProgressive Teachers Union of Zimbabwe eMatabeland North utshele istudio 7 ukuthi ababalisi abathembi ukuthi imikhoba le isixotshiwe okweqiniso.
UMnu. Jorum Sibanda, umgcinisihlalo wenhlanganiso emela amalungelo abazali kulesisikolo eye School Develompment Committee utshele uSithandekile Mhlanga weStudio 7 ukuthi bazadingela ababalisi indawo zokuhlala esikolo seSecondary esiseduzane.
Kusenjalo, ugatsha lwezemfundo luthwele nzima ngokuswela imali yokusebenza ngemfanelo kuthi-ke abazali bazama ngamandla wonke ukuthi babhadale imali yezemfundo.
Umnu. David Coltart umphathintambo wezemfundo usekhulume kanengi ngokuswelakala kwemali yokuqhuba inhlelo ezitshiyeneyo kugatsha lwezemfundo.
Ugatsha lolu ngoMmabasa lwethula uhlelo lokuzama ukuvuselela ezemfundo kwele Zimbabwe olwalukhangelelwe ukuthi luzasebenza kahle nxa kungadingwa i$4.5 billion.
Idale le cabinet lamukela uhlelo lolu loba nje okwamanje lulokhe lungakaqali ukuthuthukisa ezemfundo kwele Zimbabwe.
Kunengi okuhlasele ugatsha lolu okunjenga maphepha omhloliso alahleka mnyaka yonke kumbe aphiwe izifundi isikhathi sokubhala umhloliso singakafiki.
Umnu. Panganai Zimhuno, umsekeli womphathisikolo se Sijahugwe Secondary School esabelweni se Matabeleland North, usanda kulahla amaphepha emhloliso elitshumi lantathu – 13 -- osekwenze ukuthi ugatsha lwe Zimbabwe School Examinations Council lubhale eminye imhloliso le.
IZimsec isikhangelelwa phansi nguzulu njengoba ihlaselwe zinkinga ezingapheliyo.
Ukuze sihlaziye udaba lwenhlupho ezikhangelane logatsha lwezemfundo kanye le zimsec, sixoxe loNkosazana Nonsikelelo Ndlovu okunhlanganiso ekhangelane lezabasakhulayo iNational Youth Development Trust loMnu. Ambrose Sibindi owayekunhlanganiso yabazali eCyrene Mission
