amalinks wokungena

Breaking News

Bayadubeka Abaphila Lobugoga Abakhitshwa Endlini yeLeonard Cheshire


Omunye walabo asebehlala egcekeni.
Omunye walabo asebehlala egcekeni.

Abaphila lobogoga abaxotshwa endaweni okuthiwa yi Leornard Cheshire Disability Zimbabwe Trust edolobheni leHarare ngoLwesihlanu bafikise insuku eziyisitshiyangalo mbili behlala egcekeni ngesikhathi somqando lezulu lisina.

Abantu laba, abalitshumi lasikhombisa, bathi abala lapho abangaya khona njalo abala mali yokuziphilisa lempahla yabo iqhubeka isonakala ngenxa yokunethwa lizulu.

Omunye wabaxotshwa lapho ababehlala khona.
Omunye wabaxotshwa lapho ababehlala khona.

Iziphathamandla ezibangele ukuxotshwa kwabo zithi zazi abayisithupha (6) kuphela kodwa bona belitshumi lasikhombisa (17).

Laba bantu bathi umcabango wokubasusa kulendawo wasukela ngesikhathi kuze kubhubhe owasungula leyo ndawo ngomnyaka ka1985, uMnu. Antony Alvern.

Umuyi uAlvern, owayephila lobugoga, wakubona kumqoka ukuthi asize abanjengaye wasungula lindawo eHarare.

ILeonard Cheshire yayitholiswa usizo olwehlukeneyo kwabagogekileyo okubalisa olwempahla, ukudla lemali okwakuvela kwabasizayo kuleli labakwamanye amazwe.

Abaxotshiweyo laba bathi lindawo ngumuzi owanikezwa kwabe Leonard Cheshire Zimbabwe abangalimanga khona.

Bathwelenzima abantu laba.
Bathwelenzima abantu laba.

Omunye walaba bantu abaxotshelwe phandle kwalindawo nguMnu. Thomas Muchadenyika, owaqala ukuhlala kulindawo ngomnyaka ka 2010.

Abogatsha lukahulumende olubona ngezokulondolozwa kwelungelo lezisebenzi lenhlalakahle kazulu bake bazama ukuthi abantu laba bayehlala okwesikhatshana endaweni ye Ruwa Rehabilitation Centre, kodwa abakwemukelanga lokho.

Kugcwele impahla yonke indawo ...
Kugcwele impahla yonke indawo ...

UMuchadenyika uthi uzulu kalazi iqiniso lokwenzakala kulindawo.

UMnu. Wonder Mukanganise, ophila lobugoga, ubehlala kulumuzi laye. Utshengise ukukhathazeka ngesimo akiso esithi okumzwisa ubuhlungu kakhulu lucuku olwenzelwe lababantu asebebaxotshelwe ezitaladeni kungelazwelo khona elizweni inengi labantu lizithi ngamaKhristu.

Imizamo yokukhulumisana leziphathamandla zalindawo yehlule ngoba incingo zabo bezingaphendulwa kokuphela.

XS
SM
MD
LG