amalinks wokungena

USilvanos Mudzvova Olilunga leTajamuka Ubhaxabulwa Ngabamthumbileyo

  • Mavis Gama

USilvanos Mudzvova ulimele kakhulu aze athunjwe ngabantu abangaziwayo.

Uzulu usola kakhulu ukuthunjwa komunye wamalunga womkhankaso we Tajamuka-Sesijikile Campaign, uMnu. Silvanos Mudzvova, izolo kusihlwa emzini wakhe eCrowborough, eHarare, abhaxabulwe kabuhlungu waselaliswa esesibhedlela se Avenues Clinic.

UMudzvova utshele intathelizindaba eziyekhulumisana laye esibhedlela lapho ayeselatshwa khona ukuthi uthunjwe ngabantu akade behlomile, bamthwala ngemota bamusa endaweni angazange azi ukuba kukuphi.

UMudzvova uthe ukuthunjwa kwakhe kusukele kokwenzakale emhlanganweni abawenza emzini we Epworth ngeviki ephelileyo.

Silvanos Mudzvova
Silvanos Mudzvova

Omunye wabasole ukuthunjwa kukaMudzvova, nguMnumzana Charles Nyoni we Occupy Africa Unity Square.

UNyoni, ohambe wayabona omunye wakhe esibhedlela, uthe kulihlazo ukuthunjwa kukaMudzvova elizweni elikhangelelwe ukuhlonipha ilungelo loluntu.

Uthe kubatshayisa ngovalo loba nje bengasoze babuyela muva ngemikhankaso yokuletha inguquko kwezombusazwe lomnotho elizweni.

Uqhubeke esithi kusobala ukuba abathumbe uMudzvova akusibantu makhaza kodwa yilabo abafundela ukwenza lokhu.

UMudzvova uthe lanxa elimele kangako ngemva kokuthunjwa lokutshaywa kakubi, akabuyeli muva kwezokukhankasela inguquko elizweni uzulu aze athole inhlalakahle.

XS
SM
MD
LG