********* UMnu. Silvanos Mudzvova, omunye wamalunga enhlanganiso yokutshengisela eye Tajamuka-Sesijikile Campaign, ibhaxabulwa kabuhlungu ngabantu abayithumbileyo abamtshiye emangxebangxeba.
********* Isikhulumeli senhlanganiso ye Tajamuka-Sesijikile, uMnu. Promise Mkwananzi, lamuhla ukhitshwe entilongweni ngumantshi eHarare othe kumele ahlawule isibambiso samadollar alikhulu njalo anike abomthethwandaba amaphepha akhe okuhamba emazweni – ipassport.
********* Sizalethulela okwenzakala eNew York lapho izizalwane zeZimbabwe ezizabe zitshengisela zikhonona ngokubhidlika komnotho eZimbabwe lokunye okukhathaza uzulu.
********* Kuhlelo lwezizalwane zeZimbabwe ezihlala emazweni lamuhla sixoxa loMnu. Dumie Moyo oncedisa uzulu ukwemba imigodi, ukwakha izikolo lokunye okuthuthukisa impilo kazulu.
*********Kwezemidlalo … Gift Mbwete odlalela iqembu leHwange uthola isicoco sokubangumdlali owenze okubukekayo ngoNcwabakazi kuCastle Lager Premier Soccer League.
**********KuLivetalk lamuhla kuhlelo lwezizalwane zeZimbabwe ezihlala kwamanye amazwe sixoxe ngokutshengisela okuzakwenziwa ngabanye abase Melika ngesikhathi uMongameli Robert Mugabe esemhlanganweni omkhulu oweUnited Nations General Assembly.
Lingakhuthwa yilezindaba lezinye kuStudio 7 ngo half past 7 ntambama kumagagasi athi 909 am, 4930, 6065, lo 15460 kilohertz kuShortwave. Sitholakala njalo kuWhats’app lakuFacebook ekhasini lethu ele VOA Ndebele.