amalinks wokungena

'Amapholisa eZimbabwe Ensitha Athumba uPatson Dzamara'

  • Mavis Gama

UDzamara obhambabulwe ngoLwesihlanu ngabacabangelwa ukuthi ngamapholisa eZimbabwe Ensitha.

UDzamara obhambabulwe ngoLwesihlanu ngabacabangelwa ukuthi ngamapholisa eZimbabwe Ensitha.

UMnu. Patson Dzamara, okhankasela ukuthi kube lohulumende woqobo njalo engumfowabo kaItai Dzamara oselesikhathi wathunjwa ngabantu abangaziwayo, uthunjwe emadabukakusa ngoLwesihlanu ngabacabangelwa ukuthi ngamapholisa eZimbabwe ensitha.

Abamthumbileyo bamtshaye bamtshiya ethe daca duzane ledamu elikhulu eliduzane leHarare iLake Chivero.

UDzamara uthe abamthumbileyo bamtshaye okumangalisayo besithi kade kumele bambulala kodwa bacina bemqunula bamtshiya ehlathini duzale ledamu lelo.

UPatson Dzamara usesibhedlela eAvenues Clinic lapho ayelatshwa khona izilonda ezesabekayo.

UPatson Dzamara usesibhedlela eAvenues Clinic lapho ayelatshwa khona izilonda ezesabekayo.

Ulandisele intathelizindaba okumehleleyo esesibhedlela seAvenues Clinic. Ulemvimvinya ezimangalisayo emzimbeni wonke okutshengisa ukuthi ubetshaywa ngenswazi ezinjengemvubu.

Uthe uthunjwe elabanye bakhe lapho okuhlangana khona umgwaqo okuthiwa yiHighglen Road loMukonono Avenue, emzini weNew Marimba.

Ubelabanye bakhe uDzamara ethunjwa lapho okukhale khona umbobho kwatshiswa lezimota akade behamba ngazo.

UDzamara labanye bakhe kade besiyabonisana labanye ngokutshengisela okukade kumele kwenziwa ngoLwesihlanu lapho uzulu obefuna ukungena ezitaladini ekhonona ngemizamo yokuletha imali yama bond notes eZimbabwe.

Abazali bakhe bahle bagijimela esibhedlela ngemva kokuba sokuzwakele ukuba kulapho akhona.

Unina, uNkosikazi Benhildah Dzamara, ubephelelwe ngesikhathi ekhulumisana lentathelizindaba eAvenues Clinic.

Imota etshiswe ngabacabangelwa ukuthi ngamapholisa ensitha aweZimbabwe.

Imota etshiswe ngabacabangelwa ukuthi ngamapholisa ensitha aweZimbabwe.

Abanye bakhe uDzamara bathe kusobala ukuthi ubethunjwe ngabakhangele umvikela lokwenziwa nguzulu elizweni kanye lamapholisa ensitha awe Central Intelligence Organization.

Kasenelisanga ukukhulumisana labo ngodaba lolu.

Akade beloDzamara babalisa uNathan Matadza, Ishmael Kauzani lo Nashe Benson Salani. Lokhe kungakaziwa ukuthi uSalani lo Nathan bangaphi.

UMnu. Charles Nyoni wenhlanganiso yeOccupy Africa Unity Square utshele iStudio 7 ukuthi kusobala ukuthi uhulumende kafuni abantu abatshengisela ezitaladini bekhonona ngokubahluphayo.

Eyinye njalo imota etshileyo.

Eyinye njalo imota etshileyo.

Ngesikhathi loludaba lulotshwa, besokulembiko ethi kubotshwe abantu abedlula amatshumi amahlanu akade beyebuthana eAfrica Unity Square.

Ababotshiweyo laba babalisa iqgwetha uAdvocate Fadzai Mahere kanye lamalunga omkhankaso owe #This Flag.

UMfundisi Mugadza, okade etshumayela lapho okade kumele uzulu ahlangane khona eCleveland House, ucele enyaweni ebona amapholisa elubhekise eAfrica Unity Square.

XS
SM
MD
LG