amalinks wokungena

Sokulohlelo Lwabo Popayi Abafundisa IsiNdebele


Uhlelo lwabapopayi lufundisa isiNdebele.

Abantwana abanengi kwele Zimbabwe sebesiya bekholwa ulimi lwabo ngoba izinto ezinengi zokugoqela izifundo, okuphuma enhlelweni zemisakazweni kamabonakude lebulenjini kusetshenziswa ulimi lwesingisi.

Kungaleso sizatho uMnu. Zenzele Ndebele, omunye wabakumsebenzi wokuzilibazisa, esungule uhlelo lwabo popayi phansi kwesihloko esithi ‘The Bulawayo Show’.

UNdebele uthe, “IBulawayo show singathi ngumdlalo wamapopayi. Injongo yethu ngeyokuthi sikhulume ngesintu sona abantu abangafuni ukukhuluma ngazo nsuku zonke. Siyabafundisa njalo sibahlekisa.”

UNdebele uphinde wathi wabambisana labanye bakhe baqalisa loluhlelo baze bananzelele ukuthi ngesikhathi esiningi ungabheka kwaBulawayo kulutshwana kakhulu ubona abantu besebenzisa opopayi ekufundiseni uzulu ngokutshiyeneyo.

Ungabona kumabona kude, abantwana babukela amapopayi esikhiwa. Lokho sekutshiye abantwana bengazi ulwimi lwabo njalo babona engathi isingisi siqakathekile kakhulu ukudlula ulwimi lwabo.

“Kuhlelo lwethu sikhuluma ngezinto zonke ezibamba impilo zabantu nsuku zonke.”

UNdebele uphinde wathi abantu abanengi bayafunda kalula nxa bebukele umabona.

Laba abafisa ukuthola uhlelo lolu bangaluthola kuFacebook kukhasi elithiwa The BYO Show njalo laku YouTube ngaphansi kwesihloko esithi The Bulawayo Show.

XS
SM
MD
LG