Inhlanganiso yeTransparency International ithi eleZimbabwe liqhubeka lingelinye lamazwe alokungethembeki okunengi, icorruption, emhlabeni jikele.
Inhlanganiso le ithi ucwaningo elwenzileyo luveze ukuthi phakathi kwamazwe alikhulu lamatshumi ayisikhombiisa lasithupha, 176, eleZimbabwe lihlezi kuzinga lekhulu lamatshumi amahlanu lane, 154.
Ukuba ngelinye lamazwe ahlezi phansi kwengalane le kutsho ukuthi udaba lwecorruption luqhubeka ludlondlobala eZimbabwe, kutsho iTransparency International.
Ababikwa bekhokhela ekuphathekeni kumisebenzi yokuhuquluza umnotho welizwe kanye lokungethembeki kakhulu ngamapholisa leziphathamandla zeZimra.
Isiphathamandla seTransparency International-Zimbabwe uMnu. Loughty Dube utshele iStudio 7 ukuthi bakhathazekile kakhulu ngaloludaba.
