Inkokheli yebandla eliphikisayo ele Movement for Democratic Change elikhokhelwa nguMnu. Morgan Tsvangirai, ngoMvulo ihlangane labalandeli bayo ababhaxabulwe kabuhlungu ngamapholisa ebambisana labebandla leZanu PF ngesikhathi betshengisela phansi komanyano weNational Electoral Reform Agenda (NERA).
Ikhuthaze amalunga ayo ukuba aqinisele ngoba sekuseduze lapho abaya khona.
UTsvangirai labanye bakhe bahlangane labalandeli beMDC-T esigodlweni salelibandla eHarvest House.
UTsvangirai utshele laba bantu, inengi labo abaphiwe imvumo yokuhlawula isibambiso sebail, ukuba inkokheli ebandleni lakhe ilabo kulokhu kuhlukuluzwa njengoba labo beke bahlangana lakho.
Omunye wabahlukumeziweyo, uMnumzana Ostallos Gift Siziba, ukhulume ngenhliziyo ebuhlungu ngendlela athunjwa ngayo ngontanga beZanu PF, besebenzelana lamapholisa asebenza nsitha awe Central Intelligence Organization, mhlaka 26 Ncwabakazi.
Ungomunye wabaqede amalanga angamatshumi amathathu evalelwe esalelwa ithuba lokuhlawula isibambiso sebail.
Osakhulayo, uLennon Muzanenhamo, laye ulandise okwenzakala kuye, ngesikhathi ebotshwa.
Uqede amavhiki amabili uMuzanenhamo eChikurubi Muximum Prison, okuyindawo ayichaze ukuba kayilungelanga ukuhlaliswa abantu abanjengaye.
Abalandise phezu kwesiphatho sabo ngesikhathi bethunjwa lokubotshwa ngamapholisa labebandla le Zanu PF, babalisa ummeli weGlenview North edale lephalamende, uMnumzana Fani Munengami, umgcinisihlalo wohlangothi lwabesifazane ebandleni le MDC-T, uNkosikazi Ronia Bunjira lomsekeli wakhe uNkosiakazi Kerina Gweshe Dhewa.
Owake waba ngumkhokheli wezifundi enhlanganisweni ye Zimbabwe National Students’ Union (ZINASU) uSiziba, uNkosikazi Mandizvidza, umNU. Alton Peta kanye loqhuba umsebenzi wokuthengisa khona bucwadlana lesigodlo se MDC, e Harevest House, uMnumzana Jairos Munyanya, labo bachaze indlela abahlukunyezwa ngayo.
Kade bekhona njalo abavele emahofisi abammeli bakwamanye amazwe eZimbabwe, abagoqela, abewosifisini yommeli weAustralia, Britain, Netherlands kanye leMelika.