amalinks wokungena

Breaking News

Umkhuhlane Wesihudo Wethusa Abantu beZimbabwe Abahlala eSouth Africa


Izakhamuzi zedolobho leHarare bahamba phakathi kwengcekeza. Harare, Zimbabwe, Jan. 7, 20
Izakhamuzi zedolobho leHarare bahamba phakathi kwengcekeza. Harare, Zimbabwe, Jan. 7, 20

Ngesikhathi umkhuhlane wesihudo se-typhoid umemetheka eZimbabwe ikakhulu eHarare njalo kungelalethemba lokuthi uzaphela nini, izizalwane zeZimbabwe kweleSouth Africa zithi zesabela ukuthi zingacina sezihlaselwa yilo umkhuhlane.

Zithi lokhu kungenziwa yikuthi zamukela izihlobo zazo ezivela eZimbabwe maviki wonke ezizodinga ukudla, ezempilakahle lokunye okungasatholakaliyo eZimbabwe.

Ukuqhamuka komkhuhlane we-typhoid, olegciwane elithelelanwa phose ngokufanayo lecholera, lodletshana lokuthi layo icholera isibuyile eZimbabwe, sekulethe ukwesaba kunengi lezizalwane zeZimbabwe kwele South Africa.

Abanye bathi balezihlobo zabo ezihlala eHarare lapho okubhahe khona lumkhuhlane, ezifika nsukuzonke eSouth Africa zizodinga impahla zokuthengisa loba okunye okungasekho eZimbabwe.

Bathi-ke makhulu amathuba okuthi labo bangacina sebewutholile lo ukhuhlane njengoba begezela ndawoyinye, besebenzisa sambuzi sinye, lokudla ndawonye lezihlobo zabo lezi.

Ngokutsho kwabezempilakahle asebehlaselwe yilo umkhuhlane balakho ukuwuthelela abanye nxa igciwane eliwubangelayo lisezandleni zabo ngesikhathi belungisa ukudla, loba nxa ongelawo engabamba amanzi abawachithe esambuzini.

Isizalwane seZimbabwe, uMnu. Mongezi Mpofu, uthi bafisa ngazo zonke indlela ukuthi eleZimbabwe liwuqedelo umkhuhlane ngoba loba nje bona bekweleSouth Africa kabaphephanga.

“Sokulokuqaphela okuphakeme ngoba leSouth Africa sebekhuluma langakho. Ungalalela okwethulwa nga zeSouth Africa sebekhuluma langawo umkhuhlane lo. … Ngicabanga ukuthi abeSouth Africa ngeke beyale ukusisiza ngoba balemitshina yokuhlolisisa umkhuhlane lo.”

Esinye isizalwane seZimbabwe, uMnu. Sebenzani Mqolo, uthi ngeke babandlulule izihlobo zabo ngalo umkhuhlane ngoba vele inengi labasala eZimbabwe sebethola phose konke okokuziphilisa eSouth Africa.

UMnumnzana Vusumuzi Ncube laye uthi usizi yikuthi akukho okwenziwa nguhulumende okwamanje okutshengisa ukuthi uzawuqeda lo umkhuhlane.

Udaba Esilwethulelwe NguBenedict Nhlapho
please wait

No media source currently available

0:00 0:02:59 0:00
Lapho esitholakala khona

UNcube uthi izibi ezigcwele indawo yonke ikakhulu eHarare lapho umkhuhlane le obhahe khona lokusilela kwamanzi ahlanzekileyo, yizo izinto zakuqala obekufanele ukuthi uhulumende alwisane lazo.

“Sonkenje sisengozini yokuthi singacina sesibamba umkhuhlane we-typhoid. Angiboni kuzophangisa ukuthi kulungisiseke. Singakhangalela phambili kubo 2020 ukuthi izibi zeZimbabwe ziyakwanisa ukuthi ziphele.”

Kusenjalo, inhlangothi ezibona ngokulwiswa kwemikhuhlane ethelelwanayo kweleSouth Africa, zithi zizilungiselele ukulwisana lalo umkhuhlane nxa kungenzeka uqhamuke.

XS
SM
MD
LG