amalinks wokungena

'Uzulu Kakhohlwe Ukuthi UMugabe Engazisusa Embusweni'

  • Ntungamili Nkomo

UMongameli Robert Mugabe labasekeli bakhe uMnu. Phelekezela Mphoko loMnu. Emmerson Mnangagwa (R). Collage by Ntungamili Nkomo

UMongameli Robert Mugabe labasekeli bakhe uMnu. Phelekezela Mphoko loMnu. Emmerson Mnangagwa (R). Collage by Ntungamili Nkomo

Lanxa uMongameli Robert Mugabe esithi uzimisele ukutshiya intambo zombuso alubana amalunga ebandla lakhe leZanu PF ethe amtshela ukuthi kasamfuni, ingcwethi kwezombusazwe zithi azikukholwa lokhu.

Ekhuluma ngempelaviki lababengabalweli bempi yenkululeko eHarare, uMugabe usole amaxuku amabili abanga isikhundla sakhe athi eleGeneration 40 (G40) leleTeam Lacoste esithi abanye sebeze bemfisela lokufa ngoba befuna isikhundla sakhe.

Amalunga eqembu leG40 agoqela umkaMugabe, uNkosikazi Grace, umsekeli kaMugabe uMnu. Phelekezela Mphoko lomphathintambo wemfundo yezinga laphezulu uMnu. Jonathan Moyo.

Iqembu leTeam Lacoste lona lisekela omunye wabasekeli bakaMugabe uMnu. Emmerson Mnangagwa.

“Abanye sebeze bethi ‘kanti okungumdala lokhu kuzakufa nini?’” kutsho uMugabe. “Bathi ngiyala ukufa. Ngifelani kanti uNkulunkulu engakafuni?”

Kodwa ingcwethi kwezombusazwe uMnu. Nhlanhla Dube utshele iStudio 7 ukuthi kakholwa lakancane ukuthu uMugabe uzimisele ukusuka embusweni.

“Wonke umuntu okhangeleyo okwenzakalayo uyakunanzelela ukuthi akusensuku zatshwala bengamtshelanga uMugabe bona abebandla lakhe ngamazwi aqatha ukuthi isikhathi sokuthi akhumule ijogwe sesifikile,” kutsho uMnu. Dube.

XS
SM
MD
LG