Inhlanganiso elawula ukusebenza kwabezindaba eyeVoluntary Media Council of Zimbabwe yethule ugwalo lwembiko olumayelana lendaba zokukhonona abazithethayo bengomlamulankunzi phakathi kukazulu lenhlanganiso ezethula izindaba lemisakazo, olwe Media Complaints Analysis.
Ekhuluma ngemva komhlangano lentatlelizindaba eRainbow Hotel koBulawayo uqqondisi wenhlelo eVMCZ, uNkosazana Faith Ndlovu, uthe bayathokoza ngokuqonga kwenani lezindaba abazixazululayo phakathi kwentathelizindaba lozulu ethi lokhu kuveza ukuba uzulu weZimbabwe usesiya esazi amalungelo akhe.
UNkosikazi Ndlovu uthe njengenhlanganiso elwela amalungelo enthathelizindaba kubapha amadlabuzane okuqhubeka besebenza ngamandla.
ULenox Mhlanga inthathelizindaba elodumo uthe kunengi okubangela ukuba amacala afike eVMCZ abemanengi lobanje ezokwethulwa kwemibiko ezweni isase lokuncindezelwa.
Ugwalo lombiko lo owethulwe yiVMCZ, olulesihloko esithi ‘Media Complaints Analysis’ luveze ukuba ngomnyaka ka2015 amacala angamatshumi amane lantathu yiwo aphathwe yikhomithi ethetha ixazulule amacala njalo inhlanganiso edinda iphepha eleDaily News yilo elaba lezikhalazo ezinengi ezivela kuzulu.
Eminye imibiko eyethulwe yiVMCZ ngethi, Impact of Social Media on Media Ethics in Zimbabwe, Media Regulations Framework: A Comparative Analysis lethi 2015 Annual report: Promoting Media Professionalism Accountability Today and Tomorrow.
