amalinks wokungena

Zithwele Nzima Izizalwane zeZimbabwe Ezihlala eBotswana

  • Martin Ngwenya

Enyangeni ezisanda kwedlula, ilizwe leBotswana liqhubekele phambili lisibalukhuni ebantwini bokuza inengi labo kuyizizalwane zeZimbabwe ikakhulu labo abangena kulelozwe okungekho emthethweni.

Kusukela ukuma emngceleni okwamahola amade belinde ukuthola usizo kusiya ekudutshelweni kanye lokubhaxabulwa ngemvubu, abeZimbabwe bayala bethululeka ngobunengi.

Omunye oyisizalwane seZimbabwe, uMnu. Elias Ndlovu, uthi akula ngeyinye indlela ngaphandle kokumelana lokuhlukumezwa kulokuhlalela indlala ekhaya.

"Kunzima kakhulu eBotswana kuyatshaywa kodwa asila ngeyinye indlela, sizayala sibuya kuphela ngoba impilo ekhaya inzima kukanti-ke langapha bayasihlukumeza. Kodwa sizaqhubeka sibuya kuphela."

Umngane wakhe uMnu. Trust Nkomo laye uthi akulamuntu ongahlala ekhaya isimo sisibi kangaka ngakho babona kungcono ukungena eBotswana bezophandela immuli noma nje kungayisikho eKhenani.

"Noma kunjani eBotswana akulangeyinye indlela sithi kungangcono sizothola khonokho okukhona kulokuhlala ekhaya lapho okungelathemba okwakhathesi."

Amapholisa lawo azithwalise nzima izizalwane zeZimbabwe kwele Botswana.

Amapholisa lawo azithwalise nzima izizalwane zeZimbabwe kwele Botswana.

IBotswana ungathi ivuke ubhova kwabeZimbabwe lokhe uMongameli Ian Khama Seretse Khama watshela uMongameli Robert Mugabe ngoMpandula ukuthi asuke esihlalweni ngoba useluphele.

Amaphepha okusebenza abanye beZimbabwe aseyesuliwe kukanti abangena elizweni okungekho emthethweni bagijinyiswa ngamapholisa njalo nje, kulababili abadutshuliweyo enyangeni ezimbili ezisanda kudlula.

XS
SM
MD
LG