amalinks wokungena

Breaking News

ZPP: Akukho Ukuthula Lokuhlaliseka eZimbabwe


Inhlanganiso yeZimbabwe Peace Project (ZPP) ithi akusela kuthula eZimbabwe ngenxa yezehlakalo zodlakela oluqondiswe kuzulu nguhulumende weZanu PF esebenzisa amapholisa.

Embikweni ewethule ngoLwesithathu inanza ilanga lokuthula emhlabeni jikelele eleInternational Day of Peace, iZPP ithe kuyadanisa ukuthi uhulumende uqhubeka ehlukuluza uzulu.

Inhlanganiso le isole njalo ukuthunjwa kanye lokunyamalala kwabantu abaphikisana lombuso kaMongameli Robert Mugabe abafana loMnu Itai Dzamara loMnu Paul Chizuze.

Umkhokheli weZPP uNkosazana Jestina Mukoko utshele iStudio 7 ukuthi uhulumende uqhubeka engawahloniphi amalungelo oluntu lanxa nje evikelwe kusisekelo sombuso esitsha.

Wengeze wathi ngaphandle kokutshaywa lokuhlukuluzwa kwabantu abatshengiselayo ngokuthula kulezinsuku, inengi alihlalisekanga ngenxa yokubhidlika komnotho, indlala lokunye.

Ngalokho, uNkosazana Mukoko ukhuthaze uhulumende ukuthi enanze amalungelo oluntu njalo emise amapholisa ukutshaya uzulu ophikisana lombuso kaMugabe.

please wait

No media source currently available

0:00 0:02:02 0:00
Lapho esitholakala khona
XS
SM
MD
LG