amalinks wokungena

Breaking News

Kudilizwa Izindlu eMzini weEpworth


Epworth
Epworth
Amakhulu ezakhamizi zemzini weEpworth oduzane le Harare, azithole esengasela zindlu ngemva kokuba umanisipala walelidolobho ezidilizile imizi kusehlakalo esifana xathu lo Operation Murambatsvana Ngomvulo.

Izindlu lezi zidilizwe kulandela isingqumo somthethwandaba sokuthi lezi zindlu zidilizwe ngoba zingekho emthethweni.

Umgcinisihlalo walikhanisli, uMnu. Gift July utshele iStudio 7 ukuthi bakhangelele ukudiliza izindlu ezedlula inkulungwane lamakhulu amahlanu, 1 500.

Ngomvulo kudilizwe izindlu ezingamakahulu amathathu, 300. Inengi lezakhamizi lezi litshone lisegcekeni lona izulu lisina okwamagama.

Esinye isakhamuzi sibikwa silimele sephuka isandla sizama ukuhlenga uphahla lwendlu yaso.

Esinye isakhamuzi, uMnu. Damson Damson utshele iStudio 7 ukuthi izakhamizi zithithibele ngesehlakalo lesi.

Ingcwethi ecubungula ezombusazwe, uMnu. Rejoice Ngwenya utshele iStudio 7 ukuthi lanxa uzulu engamelanga akhe engelamvumo kuyamangalisa ukuthi lokhu kwenzakala ngesikhathi sekukhulunywa ngokhetho.

please wait

No media source currently available

0:00 0:01:57 0:00
Lapho esitholakala khona
XS
SM
MD
LG