amalinks wokungena

Breaking News

Milovanovic: Kuyancomeka Okwenzakala eMarange


Gillian Milovanovic
Gillian Milovanovic
Umgcinisihlalo we Kimberley Process uAmbassador Gillian Milovanovic uthi kunengi okuncomekayo osokwenziwe yiZimbabwe ekuthuthukiseni umsebenzi wokwemba amadayimana eMarange loba nje kusasele okunye okumele kulungiswe.

UMilovanovic utshele umhlangano wamadayimana obusenzelwa eVictoria Falls ophele ngoLwesibili ukuthi kumele ilizwe leli liphumele egcekeni emsebenzi wokwemba amadayimana koMarange.

Uthi kulembiko embalwa yobudlwangudlwangu bamasotsha lamapholisa ayebulala abantu makhaza bebanjwe besemba amadayimana okungekho emthethweni.

UMilovanovic uphinde wakhuthaza amazwe wonke womhlaba emba amadayimana ukuthi asebenzise inzuzo etholakala kulumsebenzi ukuthuthukisa inhlalakahle kazulu emangweni okulemigodi yamadayimana.

Uthe sokumele kuguqulwe eminye imithetho ye Kimberley Process ezakwenza ukuthi amazwe ancindezela amalungelo kazulu avinjwe ukuthengisa amadayimana awo.

Iziphathamandla zikahulumende we Zimbabwe labaqondisi be Marange Resources kanye le Mbada Diamonds, emba amadayimana eMarange, bathe uMilovanovic sokumele aqinise umsebenzi ukwenzela ukuthi ele Zimbabwe lenelise ukuthengisa amadayimana alo kungela migoqo.

Bathi umsebenzi wokuthengiswa kwamadayimana la ubiselwa muva yizijeziso zenotho ezafakelwa umongamelo Robert Mugabe labanye bakhe be Zanu PF.

Kasenelisanga ukukhuluma leziphathamandla zikahulumende ngempumela yomhlangano lo.

Umnu. Siphambaniso Moyo omunye wabaqondisi be Ilala Lodge uthi imihlangano enje inceda amawotela eVictoria Falls loba nje okuphume emhlanganweni we Zmbabwe Diamond Conference kungasoze kulungiswe ngesiphangiphangi.

please wait

No media source currently available

0:00 0:01:45 0:00
Lapho esitholakala khona
XS
SM
MD
LG