Ngesikhathi ilizwe libhekana lenhlupho zokusilela kwemisebenzi abakumsebenzi we Art, abagoqela abaculi, abalingisi abadwebayo labanye bakhuthaza abasakhulayo ukuba bengayikhangeleli phansi lumsebenzi ngoba ungabanikeza ithuba lokuphila ngayo.
Umnumzana Tawanda Makore ulungisa izithombe ezitshiyeneyo esebenzisa amatshe. Usungulele umsebenzi wakhe koBulawayo wasesiza eHarare esebenzela endaweni yeHatfield Sculptor Centre uthi kusukela esemncane wahle wacwila kweze Art okuyinto engenziwa ngabanye abasakhulayo. Uthi okwamanje ulezithombe ezifika kwezilitshumi lanhlanu njalo elolonga ezinye ezimbalwa.
Osakhulayo uPhilani Nyoni uthi yena uphila ngokubhala izingwalo uthi kumele abantu bazi ukuba balakho ukuphila nge Creative Art njengoba laye equbekela phambili kanje ethi abasakhulayo bengesabeli ukuthi bangehluleka;
Umnumzana Remus Chiguwari ulungisa izithombe zenyoni, abantu lenyamazana njalo uthi le yindlela umuntu angaphila ngayo sibili ethi abasakhulayo balakho ukuphathiswa befundiswa ngabalolwazi. Uthi yena wafundiswa ngeinye yengcwethi zeArt elodumo uMnumzana Chenjerai Chiripanyanga ngomnyaka ka 2001 wazisungulela umsebenzi ezimele kuze kube lamhlanje ethi okuqakathekileyo yikuthi umuntu ezinikele.
UTawanda uthi abasakhulayo bangasungula ngokudinga abantu abasebenza kanje bethole ulwazi:
Inengi labakumsebenzi weArt ikakhulu wokubaza izithombe besebenzisa amatshe loba ezensimbi bathi udubo yikuba abasakhulayo abanengi bakhula befundiswa ukuba befunde bedinge umsebenzi ehofisini lakumabhizimusi amakhulu okutshiya inengi labo liswela leyomisebenzi, khona kulendlela abangathola ngazo imali yokuzithuthukisa lokuphila ngayo ukwedlula lowo osebenza ehofisini.
Lalabo abalemisebenzi emihle balakho njalo ukwengezelela leyo mali abayiholayo ngokuphatheka emisebenzi yokuzenzela ngokusebenzisa izandla.