03.01.2013
<h1>Abalimi Abamhlophe Bathwalisa Uhulumende Gadalala</h1><img src="http://www.voandebele.com/App_Themes/VOA_nd/img/colorLogo.gif"/>Uhulumende weZimbabwe uthi uphakathi kokulungiselela ukuyazivikela emthethwandaba weInternational Court for Settlement of Investment Disputes lapho ahanjiswe khona ngomunye umlimi omhlophe odabuka kweleGermany othathelwe ipulazi lakhe ngamalunga eZanu PF.<br /> <br /> UMnu Heinrich Von Pezold ngomunye wabalimi abamhlophe abathathelwe amapulazi abo nguhulumende kaMongameli Robert Mugabe phansi kohlelo lokwabiwa kutsha komhlabathi.<br /> <br /> UPezold ukhweze loludaba emthethwandaba weSettlement of Investment Disputes edinga ukuhlawulwa imali engangezigidi ezingamakhulu ayisithupha, $600 million.<br /> <br /> Kulabanye njalo abalimi beNetherlands abakhweze udaba lwabo emthethwandaba munye owethule isinqumo esithi bahlawulwe izigidi ezingamatshumi amabili lanhlanu zamadollar.<br /> <br /> Uhulumende uthi lanxa ezimisele ukulandela isinqumo somthethwandaba, kalayo limali.<br /> <br /> Ingcwethi ecubungula ezombusazwe uMnu Dumisani Nkomo yena othe lanxa engelayo imali, kumele ayidinge ahlawule abalimi abamhlophe laba.<br /> <br /> <div class="tag_image tag_audio_plain" contenteditable="false" mode="audio|plain|245399"> Ingxoxo LoMnu Dumisani Nkomo<img alt="" src="../../../img/spacer.gif" title="This is just placeholder, it will be replaced public site." /></div><link rel="canonical" href="http://www.voandebele.com/content/abalimi-abamhlophe-bathwalisa-uhulumende-gadalala/1577260.html"/><meta name="syndication-source" content="http://www.voandebele.com/content/abalimi-abamhlophe-bathwalisa-uhulumende-gadalala/1577260.html"/><img src="http://livetracker.voanews.eu/counter.lt?PageType=256&RecordId=1577260&SiteId=430&r=873735565&it=0&pd=20130103190017&url=ArticleID1577260" alt="" style="border:none;" height="1" width="1">
Copy to clipboard Close