amalinks wokungena

Breaking News

Abalimi Bakhuthazwa Ukuthi Baguqule Indlela Abalima Ngayo


Inhlanganisa eziphathisana leZimbabwe emisebenzini yentuthuko zithi kumele abalimi baguqule indlela abalima ngayo, hatshi ukuthemba izulu elinayo kuphela sikhathi sonke kodwa basebenzise indlela zakulezi nsuku zokulima ngokuthelezela nxa befuna ibe khona inguquko uqobo kuloluhlangothi.

Lokhu kuphume emkhosini owenziwe zinhlanganiso zomanyano wenhlanganiso yamazwe omhlaba eye United Nations, ngoLwesine eHarare, wokuphiwa kwezicoco kuntathelizindaba ezanelise ukuloba indaba eziphezu kwentuthuko ezilohlonzi njalo wenzelwe emahofisini eU.N Information Centre.

Emazwini akhe ngemva kokunikezwa kwentathelindaba izicoco zokuloba ngezentuthuko yomsebenzi wokulima elizweni, umqondisi wehofisi ye Food and Agricultural Organisation – FAO, umnumzana Aubbrey Harris uveze udubo ilizwe elibhekane lalo lokuthembela emanzini atholakala ngokuna kwezulu kuphela lapho emisebenzini yokulima, okusuka kubangele ukwehla kwesivuno.

Obengumhlonitshwa kulomkhosi, umqondisi wezokukhitshwa kwemibiko emadolobheni – Director of Urban Communications,u Retired Major Anywhere Mutambudzi uthi kuqakathekile ukuba intathelizindaba zilobe ngendlela ephathisa isizwe njengalokho okutshiwo lugwalo lwe ZIMASET.

Sekukhulunywa ngenhloso yalomncintiswano wentathelizindaba eziloba okuphathelena lentuthuko yelizwe kunhlangothi ezehlukeneyo,obona ngezokuqhutshwa kwenhlelo ze United Nations kuleli – UN Resident Coordinator,umnumzana Bishaw Parajul utshengise ukukhathazeka ngendlela ezitshiywa ngayo ngaphandle lezindaba zentuthuko yelizwe.

please wait

No media source currently available

0:00 0:03:25 0:00
Lapho esitholakala khona

Wakuthaza njalo intathelizindaba, uParajul, ukuba zilobe indaba eziphezu kwentuthuko yelizwe ngoba ziqakathekile lazo njengezombusazwe.

Abe U.N laba bathi basungule lesi sicoco ngenhloso yokukhuthaza intathelizindaba ukuba zilobe indaba eziphathelene lentuthuko yelizwe ukuze kuhambelane lenhlelo eziqakathekiswa yilomanyano phansi kweZimbabwe United Nations Development Assistance Framework - ZUNDAF

Intathelizindaba ethole umvuzo wakuqala wokuloba kakuhle ngezentuthuko nguNelson Chenga wephephandaba le Financial Gazette, elandelwa nguSydney Kawaza wephephandaba le Herald, uObey Martin Manaiti we Newsday le Standard, uVictoria Mutomba wephephandaba le Newsday, loClayton Masekesa wephephandaba leZimbabwean.

UMoses Mugugunyeki wephephandaba le Standard, uRobin Muchetu we Sunday News, uSophia Mapuranga wephephandaba le Zimbabwean, uAndrew Mambondiyani oyintatheli eloba izimele, kanye lo Thandeka Moyo wephephandaba le Chronicle labo bathole izicoco ezigabeni ezitshiyeneyo.

UBurtler Nepure womsakazo we ZBC SFM uthole umvuzo wokusakaza kuthi uDennis Mudzamiri wephephandaba leSunday News wathola owokuthatha imifanekiso.

XS
SM
MD
LG