Abalimi bomumbu eLusulu eBinga esigabeni seMatabeleland North bathi sebetshiya ukusebenzelana lenkampani elima utshinda eye Cargill ngoba ithenga umumbu wabo ngentengo ephansi kakhulu selokhu iGrain Marketing Board yaswela imali yokuqhuba lumsebenzi.
Isiphathamandla se Kegel esingathandanga ukuqanjwa ngegama sigcizelele kuStudio 7 ukuthi ngempela inkampani le ayisasebenzi labalimi beBinga.
UMnu. Themba Munkombwe, ukhansila ka Ward 17 eLusulu uthi inkampani le ithenga igokoko elilodwa lomumbu ngamadola amathathu kuphela, okuyingxenye yentengo esemthethweni.
Wengezelele wathi usencedisa abalimi beLusulu ukukhulumisana lamanye amankampani athenga umumbu agoqela I World Food Programme, ukuthi kube yiwo athenga lumumbu ngentengo esemthethweni.
Kusenjalo I Grain Millers Association ithi isakhulumisana lohulumende ukuthi kukhwezwe intengo yomumbu, njalo lokhu kuzanceda abalimi kodwa akusoze kubangele ukuthi intengo yempuphu ikhwele.