Ukucubungula okwenziwe yiziphathamandla kuhulumende kuveza ukuba impumela yemihloliso yezifundo ze 'O' level olotshwe nyakenye ibe lezifundi ezinenganyana eziphumeleleyo nxa kuqathaniswa lempumela yomnyaka ka 2013 .
Umqondisi weZIMSEC, uMnu. Esau Nhadara wazise ngoLwesihlanu ukuthi limpumela izatholakala ezikolo kusukela kusasa. Wengeze wathi ukuvezwa ngudlu kwamaphepha emihloliso ingakalotshwa ezifundweni zesamu lesingisi akuzange kubangele ukupasa kwabantwana lokhu.
Ukucubungula lokhu kuveze njalo ukuthi kube labawantwana abangabafana abanengi abaphumeleleyo ukwedlula amantombazana ngesilinganiso sokulitshumi ekhulwini, 10 percent.
Njengenhlalayenza isigaba se Matabeleland esibalisa ko Bulawayo, yikho okube labantwana abanengi abangenzanga kahle ezifundweni zabo.
Kumaviki amalutshwana asanda kwedlula impumela yemihloliso ka Grade 7 iveze ukuba ngitsho isikolo esisodwa sesigaba se Matabalelend South esilabantwana ngitsho loyedwa owenelise ukupasa waphuma lemiklomo efunakalayo.
UChris Gande weStudio Seven uxoxe lengcwethi ecubungula ezemfundo, uMnu Bekezela Maduma Fuzwayo othi isigaba seMatabeleland simele sithole impahla yokufundisa eneleyo lamatitshala alolwazi lomsebenzi ukuze abantwana benze ngcono ezifundweni zabo.
