Lamuhla kuhlelo lwethu Liphuma Lendaba Litshona Lendaba siqhubekela phambili ngengxoxo yethu loNkosazana Ellen Shiriyedenga umqondisi wezokhetho kucele leMDC elikhokhelwa nguMnu. Welshman Ncube.
Kuhlandla leli, uShiriyedenga uthi kulenkulungwane zabasakhulayo abasanda kweneleisa iminyaka elitshumi lasithoba minwe mibili - eyiyo iminyaka yelungelo lokuvota abangenelisiyo ukulobisa ukuvota kusukela ngomnyaka odluleyo.
Uthi lokhu kubangelwa yikuthi kusukela ngomnyaka odluleyo ugatsha lukaMsitheli alusalobisi abantu abalelungelo lokuvota kuluhlu lwe voter's roll. Lokhu kubangelwa yikuthi ugatsha lukaMsitheli lumelele ukuthi ludlulisele lumsebenzi kugatsha lwe Zimbabwe Electoral Commission olwaphiwa lamandla yisisekelo sombuso esitsha.
UShiriyedenga uthi sebeke benza imihlangano embalwa bengamabandla aphikisayo bezama ukuxazulula loludaba kodwa akuthembisi ukuthi kuzalunga kungakafiki ukhetho oluzayo.
