BULAWAYO —
Inhlanganiso yePopulation Services International imanyene logatsha lwezempilakahle isisungule indlela entsha yokusoka engela kusika kumbe ukuhlaba amajekiseni.
Indlela le ebizwa ngegama lokuthi yiPrepex iqale ngemva kokuba iZimbabwe leRwanda eqhube inhlelo zokuhlolisisa ukusebenza kwayo.
Ekhuluma lentathelizindaba ngoLwesithathu koBulawayo, umqondisi wohlelo lweVoluntary Medical Male Circumcision kuPSI, uDokotela Ngonidzashe Madidi, uthi loluhlelo luqale ekupheleni kukaMbimbitho endaweni eziyisitshiyagalolunye kwele Zimbabwe.
Uthi inhlanganiso ekhangela ezempilakahle emhlabeni jikelele, eye World Health Organization, ikhangelele ukuthi kusokwe abesilisa abangafika inkulungwane ezilitshumi anduba uhlelo lolu luhanjiswe elizweni lonke. Wengeze esithi okwakhathesi sebesoke phose kwamakhulu amabili - 161, ngalindlela.
Osakhulayo, uMnumzana Hebert Ndlovu, obemelele ukungena endlini yokusokwa eEye Clinic, uthi lesisinqumo kasithathanga mahlayana nje kodwa ngemva kokucabangisisa ngolwazi alutholileyo ngokuphathisa ukusoka okulakho kumikhuhlane efana lengculaza. Ukhuthaza abasakhulayo ukuthi basebenzise indlela yePrepex ngoba ubuhlungu bakhona bunganeno.
IPrepex isetshenziswa kwabesilisa abaleminyaka elitshumi lesitshiyagalombili kusiya phezulu. Nxa iWHO isivumile ukuthi uhlelo lolu luqhutshwe elizweni lonke, iPSI logatsha lwezempilakhe luzavula indawo ezingamatshumi amathathu zokusoka ngalindlela.
Indlela le ebizwa ngegama lokuthi yiPrepex iqale ngemva kokuba iZimbabwe leRwanda eqhube inhlelo zokuhlolisisa ukusebenza kwayo.
Ekhuluma lentathelizindaba ngoLwesithathu koBulawayo, umqondisi wohlelo lweVoluntary Medical Male Circumcision kuPSI, uDokotela Ngonidzashe Madidi, uthi loluhlelo luqale ekupheleni kukaMbimbitho endaweni eziyisitshiyagalolunye kwele Zimbabwe.
Uthi inhlanganiso ekhangela ezempilakahle emhlabeni jikelele, eye World Health Organization, ikhangelele ukuthi kusokwe abesilisa abangafika inkulungwane ezilitshumi anduba uhlelo lolu luhanjiswe elizweni lonke. Wengeze esithi okwakhathesi sebesoke phose kwamakhulu amabili - 161, ngalindlela.
Osakhulayo, uMnumzana Hebert Ndlovu, obemelele ukungena endlini yokusokwa eEye Clinic, uthi lesisinqumo kasithathanga mahlayana nje kodwa ngemva kokucabangisisa ngolwazi alutholileyo ngokuphathisa ukusoka okulakho kumikhuhlane efana lengculaza. Ukhuthaza abasakhulayo ukuthi basebenzise indlela yePrepex ngoba ubuhlungu bakhona bunganeno.
IPrepex isetshenziswa kwabesilisa abaleminyaka elitshumi lesitshiyagalombili kusiya phezulu. Nxa iWHO isivumile ukuthi uhlelo lolu luqhutshwe elizweni lonke, iPSI logatsha lwezempilakhe luzavula indawo ezingamatshumi amathathu zokusoka ngalindlela.