WASHINGTON —
Amalunga alitshumi lambili awenhlanganiso elwela amalungelo ezifundi eyeZINASU abotshiwe ngoMvulo etshengisela eHarare Polytechnic, esola inkokheli yalelikolitshi ngokuxotsha izifundi ezingabhadalanga imali yemfundo, esithi lokhu yikwephula ilungelo labo.
Amapholisa alelikolitshi abikwa ebophe abalitshumi laba, asebiza amapholisa kahulumende ukuthi azebathatha.
Ababotshiweyo bagoqela umkhokheli weZINASU uMnu. Gilbert Mutubuki, unobhala jikelele walinhlanganiso uMnu. Obey Sithole, umgcinisikhwama uMnu. Tamutswa Chikonyera, labanye.
Isikhulumi salinhlanganiso uMnu. Avoid Masiraha utshele iStudio 7 ukuthi iZINASU ibisola njalo iHarare Polytechnic ngokungavumeli abafundi ukuthi beqhube ukhetho lokudinga inkokheli entsha eyezifundi eye Student Representative Council.
Uthi sebedinge igqwetha elizamela ababotshiweyo, bona abangaketheswa icala ngokusemthethweni.
UMnu. Masiraha wengezelele wathi ababotshiweyo laba lokhu bevalelwe esitokisini seHarare Central Police Station, lapho okusobala ukuthi bazalala khona andubana baziswe ukuthi bazakuya emthethwandaba ngoLwesibili kumbe hatshi.
Ukuze sihlaziye loludaba, sixoxe loMnu. Promise Mkhwananzi, isiphathamandla sogatsha lwabatsha kucele le MDC elikhokhelwa nguMnu. Morgan Tsvangirai, yena owake waba ngumkhokheli we ZINASU.
UMkhwananzi utshele uSithandekile Mhlanga weStudio 7 ukuthi bekungafanelanga amapholisa ebophe amalunga e-ZINASU ngoba elelungelo lokutshengisela ngaphansi kwesisekelo sombuso esitsha.
Amapholisa alelikolitshi abikwa ebophe abalitshumi laba, asebiza amapholisa kahulumende ukuthi azebathatha.
Ababotshiweyo bagoqela umkhokheli weZINASU uMnu. Gilbert Mutubuki, unobhala jikelele walinhlanganiso uMnu. Obey Sithole, umgcinisikhwama uMnu. Tamutswa Chikonyera, labanye.
Isikhulumi salinhlanganiso uMnu. Avoid Masiraha utshele iStudio 7 ukuthi iZINASU ibisola njalo iHarare Polytechnic ngokungavumeli abafundi ukuthi beqhube ukhetho lokudinga inkokheli entsha eyezifundi eye Student Representative Council.
Uthi sebedinge igqwetha elizamela ababotshiweyo, bona abangaketheswa icala ngokusemthethweni.
UMnu. Masiraha wengezelele wathi ababotshiweyo laba lokhu bevalelwe esitokisini seHarare Central Police Station, lapho okusobala ukuthi bazalala khona andubana baziswe ukuthi bazakuya emthethwandaba ngoLwesibili kumbe hatshi.
Ukuze sihlaziye loludaba, sixoxe loMnu. Promise Mkhwananzi, isiphathamandla sogatsha lwabatsha kucele le MDC elikhokhelwa nguMnu. Morgan Tsvangirai, yena owake waba ngumkhokheli we ZINASU.
UMkhwananzi utshele uSithandekile Mhlanga weStudio 7 ukuthi bekungafanelanga amapholisa ebophe amalunga e-ZINASU ngoba elelungelo lokutshengisela ngaphansi kwesisekelo sombuso esitsha.
