amalinks wokungena

Breaking News

Abemidlalo Labakukhangelele Kulumnyaka ka2016


Iqembu lenguqu elimela isizwe elama Warriors
Iqembu lenguqu elimela isizwe elama Warriors

Ekuqaleni komnyaka abantu bavame ukuba loluhlu lwezifiso ezithile abafisa ukuzifeza, kunjalo ke lakulabo abaphatheke kwezemidlalo.

Umdlali uThamsanqa Dube womdlalo wenqindi
Umdlali uThamsanqa Dube womdlalo wenqindi

UThamsanqa Dube yingqungquthela yomdlalo wenqindi kusigaba se heavyweight.

Lesisicoco usiphakamise ngomnyaka ka 2003 lapho asihluthunele khona uArigoma Chiponda.

Eminyakeni edluleyo uke waba yintshantshu yezwekazi lase Africa ngemva kokuba ephakamise isicoco se WBU Pan – African heavyweight ngemva kokunqoba uJack Els wase South Africa.

Sekuleminyaka emihlanu uDube wacina ukulwa njalo ucine ukulwa lo Flo Simba kwele South Africa emdlalweni ongamhambelanga kuhle ngoba enqotshiwe.

UDube uthi lonyaka uzacina esesenza umdlalo we Mixed Martial Arts wona owaziwa njalo ngegama lokuthi yi cage fighting ngoba engayitholi imidlalo yenqindi.

Ngo 2016 ngikhangelele ukuthi nxa kungayala kungahambi kuhle kumdlalo we boxing ngizazama ukudlala ku Mixed Martial Arts ngoba khona imidlalo iyatholakala kulaku boxing njengoba sengihlale phose iminyaka emihlanu ngingalwi.

Umdlali webhola labesifazane uRudo Neshamba nguye otshaye amagoli ayenze iqembu labesifazane elimela ilizwe emdlalweni wenguqu ukuba liphumelele ukuyadlala kumidlalo yama Olympics ezaqhutshelwa elizweni le Brazil ngenyanga ka Ncwabakazi.

Umdlali webhola labesifazana uRudo Neshamba
Umdlali webhola labesifazana uRudo Neshamba

Lumdlali uthi yena esakhe isifiso yikuba efike khonale kumidlalo yama Olympics elithele kanengi emambuleni ibhola.

Ngifisa ukuba ngihlohle kuyo yonke imidlalo engizayidlala kuqembu le sizwe laku club

UAckim Mpofu ngumdlali wenguqu ofunda enyuvesi yeNortheastern kwele Melika.

Umdlali wenguqu uAckim Mpofu
Umdlali wenguqu uAckim Mpofu

Lumdlali ubengukaputeni weqembu lesizwe eliphatheke kumidlalo yakuqala eyama Youth Olympics eqhutshelwe elizweni le Singapore ngomnyaka ka 2010.

Loba kunjalo nje akazange aphinde abizwe ukuba abe yingxenye yamaqembu abasakhulayo amela ilizwe le Zimbabwe kumncintiswano etshiyeneyo njalo uthi isifiso sakhe yikuba lonyaka abizwe laye ukuzomela ilizwe lakubo.

Mina isifiso sami yikuphatheka kunhlelo ezokunceda umphakathi ngoba umphakathi yiwo owangenza ngaba lapha engikhona. Esinye isifiso sami yikuba ngidlalele iZimbabwe kuloba yisiphi isigaba kanye lokuba ngiphumelele ezifundweni zami njengoba sengisalelwe yiminyaka emibili ukuba ngiqede.

Abadlali bemidlalo ehlukeneyo bakhangelelwe ukuphatheka kumncintiswano etshiyeneyo lonyaka njalo kuyonale inyanga iqembu lenguqu elimela ilizwe kucele labesilisa lizaphatheka kumidlalo ye Chan ezaqhutshelwa kwele Rwanda.

Umdlali womdlalo wokuntseza uKirsty Coventry, ese Washington DC (Umfanekiso siwuphuwa nguMarvelous Mhlanga Nyahuye)
Umdlali womdlalo wokuntseza uKirsty Coventry, ese Washington DC (Umfanekiso siwuphuwa nguMarvelous Mhlanga Nyahuye)

Kumidlalo yama Olympics uKirsty Coventry uzabe ephatheka kumidlalo yakhe eyokucina njalo nguye okukhangelelwe ukuba angatholela ilizwe le Zimbabwe imendulo.

XS
SM
MD
LG