Amapholisa awe ZRP abikwa evimbe ukutshengisela kwezisebenzi zikaloliwe ezenhlanganiso yeZimbabwe Railways Artisans Union (ZARU) obe kumele kwenziwe ngoLwesine mhlaka 31 Ntulikazi 2014 lapho zicele imvumo yokuthi zifole ezithaladeni.
Izisebenzi lezi beziqoqa ukutshengisela mhlaka 2 Ncwabakazi 2014 eHarare, koBulawayo, Gweru lase Mutare, okwamahola amabili zikhonona ngokungahlawulwa iholo lazo kanye lenhlupho ezehlukeneyo ezibhekane lazo.
Abenhlanganiso yeZARU bebicela amapholisa awe ZRP ukuthi akhaphe izisebenzi eziyabe zifola kodwa ahle abalela ukutshengisela lokhu.
Encwadini elotshelwe abe ZARU umkhokheli wamapholisa, uChief Superintendent Nesbert Saunyama, owe Harare Central District, walile ukuvumela izisebenzi ukuthi zitshengisele njalo waxwayisa izisebenzi lezi ukuthi kaziqale zikhulume lomqatshi ngalolu daba andubana zithathe amanye amanyathelo.