Inengi lezizalwane zeZimbabwe ezihlala kwele South Africa ngokusemthethweni zithi zilokhu zingelaqiniso lokuthi zizaphenduka kuhle kweleSouth Africa zingethekelela eleZimbabwe ngekhefu leKhisimusi njengoba zingakatholi amaphepha atshengisa ukuthi zilokhu zivunyelwa ukuqhubeka zihlala kulelolizwe.
Kodwa uhulumende weSouth Africa uthi abalencwadi ze Zimbabwe Despensation Permits bazavunyelwa ukuya emakhaya lokuphenduka bengagcwalisa ugwalo olutshengisa ukuthi bafuna ukuqhubeka behlala kulelolizwe olwe application form. Bazasebenzisa iphetshana le receipt ye application form kanye logwalo lwe passport ukuhambisa.
Ukuze sizwe okunengi okuphicayo ngaloludaba, asizweni imbono kaMnu. Clyde Zondo, isizalwane seZimbabwe esihlala kwele South Africa yena othi ukhangelele ukuyathola iphetshana le receipt ngoMvulo.
