Uhlangothi lukahulumende olubona ngenhlelo zabaphila legcikwane lengculaza olwe National Aids Council lusungule umhlangano wezifundo wensuku ezimbili edolobheni le Mutare ohlanganisa abammeli benhlanganiso zezisebenzi zonke elizweni.
Umqondisi weNAC uNkosazana Madeline Dube uthe lumhlangano oqalise ngoLwesithathu uhlose ukulimukisa kanye lokufundisa lokuphana amacebo phezu kwalumkhuhlane. Kulabantu abedlula isigidi-1.3 million abaphila legcikwane lengculaza kwele Zimbabwe. UMaDube uthi kungcono ukuvikela kulokulwisana lokumemetheka kwaleli gcikwane selivele selikhona emizimbeni yabantu abanengi.
Uqhubeke ethi ukuze kube lokuzwisisana ekuqhubeni umsebenzi wokulwisana lokumemetheka kokuthelelanwa kwegcikwane, bona njenge NAC sebebumbe iboard elamalunga ahlanganisa abamankampani azimele wodwa, abe NAC, abaqatshi kanye lezisebenzi.
