amalinks wokungena

Breaking News

Afrobarometer: Inkokheli yeAfrica Incindezela Uzulu


Umongameli Robert Mugabe
Umongameli Robert Mugabe
Inhlanganiso ye Afrobarometer ithi inengi labantu ezwekazi le Africa bathakazelela umbuso okhululekileyo owe Democracy onjengalowo osemazweni athuthukileyo loba nje besehluleka ukuwuthola.

IAfrobarometer eyethule umbiko ojulileyo wenhlolisiso yenkululeko esemazweni angamatshumi angamathathu lane – 34 – awezwekazi leli, ithi inkokheli yizo ezincindezela inkululeko le yeDemocracy.

Inhlanganiso le ithi amazwe ancindezela kakhulu uzulu agoqela iZimbabwe, Nigeria, Cameroon, Cote d’Ivoire le Uganda. Okuphume kule inhlolisiso kuveza ukuthi abantu abanengi sebekwazi ukuthi ukuzibusa okugcweleyo kwe democracy kuyabasiza empilweni.

Kodwa-ke ithi lokhu kuvalwa yinkokheli yamazwe amanengi awezwekazi le Africa engafuni ukuthi uzulu azibambe esidukwini. Ngakho-ke iAfrobarometer ithi emazweni la amahlanu akukhanyi ukukhululeka kukazulu.

Ingcwethi kwezombusazwe uMnu. Nkululeko Sibanda uthi inhlanganiso le yenze kahle inhlolisiso yayo.

Siphinde saxoxa njalo ngenhlolisiso le loMnu. Godfrey Malaba okudale le Central Committee kubandla le Zanu PF othi iAfrobarometer iyanhlanhlatha nje kunhlolisiso le.

IAfrobarometer yinhlanganiso ehlolisisa okutshiyenayo kuzwekazi le Africa.
XS
SM
MD
LG